Etter ei veldig forsiktig start i 2003, har Bruløpet med to sertifiserte distansar, tatt seg opp og blitt attraktive løp i Sunnhordland og på Haugalandet. Ja, også folk frå bergensregionen tek seg over Bjørnefjorden med ferje for ein 10 km, eller ein halvmaraton i ein fin atmosfære. 

Start og mål er på Heiane ca 5 km frå Leirvik sentrum.

Fram og tilbake-løype
10 km er 5 km ut, med retur i same trasé. Halvmaraton likeeins. Her spring ein over tre bruer frå Stord kommune over i Bømlo kommune, og så den same ruta attende. Løypemålar frå Kondis har kontrollmålt og sertifisert løypa. 
                 
Løyperekordar:                                      
Bruløpet 10 km:                                           F.år:      
Kvinner  Birgitte Økland    Austevoll IL         1991    42,41    (2014)
Menn:    Erlend Jensen      Bergen løpeklubb     1993    34,46    (2015)
                                        
Halvmaraton:
Kvinner  Laila Mehus        Stord IL             1973    1,23,41   (2014)
Menn     Håvard Austevoll   Kalandseid IL        1995    1,17,22   (2014)


Stordøya er samansett av to kommunar: Fitjar med ca 3150  innbyggjarar og Stord med ca 18800. Arealet på Stord kommune er 144 kvadratkm. 

Kommunikasjon:
Her er direktrefly frå Oslo: www.stordflyet.no
Hurtigbåt frå Bergen: www.norled.no
40 min ferje frå Os til Sandvikvåg på Fitjar, og ca 30 min bil/busstur til industri/handelsområdet på Heiane.
Frå sør er det ferjefritt gjennom den 8,5 km lange Bømlafjordtunnelen. Dette er ein undersjøisk tunnel. Trafikken er så stor at den relativt nye tunnelen er fri for bompengar. Frå Haugesund til Stord er det ca 45 minutt å køyra. 

Om Bømlo:
247 kvadratkm og ca 11500 innbyggjarar.
Her finn ein den utruleg vakre Kulleseidkanalen. 1500 knallvakre meter frå innløp til utfallsos. 
Kommunikasjon som for Stord, i og med alle dei nye bruene som er komne, og hurtigbåten direkte til fleire plassar på øya. 
Siste helga i mai er det det vidgjetne Mostraspelet med 3 - 4000 selde billettar på éi helg. Det er bygd opp i ei nedlagd kalkgruve og er eit ope besøksenter frå "Heidendom til Kristendom".

Om Fitjar:
Fitjar er ein øykommune som ligg vakkert til på nordsida av øya Stord i Sunnhordland. Her finn du framleis urørt kystlandskap, ein unik skjergard med idylliske vikar og omlag 380 øyar, holmar og skjer.
Her er ca 3150 innbyggjarar, fordelt på 142 kvadratkm (altså på lag same storleik som Stord).