Ingressbiletet: sikt mot Fjæra inst i Åkrafjorden
Ei lita bygd med stor entusiasme
Heilt nedst i artikkelen kan du lesa om alt som skjer i pinsa i den vesle bygda med om lag 250 menneske. Løypa går på grus og asfalt - opp og ned. Ho er målt til 3.2 km.
Løpet går alltid pinseaftan
Åkraløpet går alltid laurdagen før pinsedag. I 2015 er det for 25. gong. Med Kondis si lokalkunne, så er det Kurt Reidar Jegteberg som har vore løpsgründer. Han har óg fått fram kjempegode volleyballag frå den vesle bygda. Og har for det store arbeidet han har lagt ned i den idretten, fått kulturpris frå Hordaland Volleyballkrets.
Me tviler på om han har fått noko som helst frå friidrettskretsen... Men dei har vel ikkje høyrt om hans store arbeid med friidrett og mosjon. 191 menneske er deltakarrekord på Åkraløpet. Altså i ei bygd med 250 innbyggarar.
Lars Emil Berge og Bjørn Rune Bergane er andre sentrale personar i tilskipinga.
Noregsmeister og ein med skalpen til Anders Aukland...
Marit Årthun er norsk meister på maraton. Ho er busett i denne vakre grenda. Ho har 45 m frå gangdøra heime, for å koma ned i løypa. Det har óg Vegard Årthun Bergane. For det er nemleg den særs talentfulle sonen til Marit. Han vart for 4 - 5 år sidan nr to i Langfoss Opp, bak Thomas Vestbø, men føre Anders Aukland, Han har vandra Noreg frå Lindesnes til Nordkapp på 59 dagar. Ein spanande personlegdom.
Løyperekordhaldar Vegard Årthun Bergane
Løyperekordhaldar Marit Årthun (Kondis arkivbilete)
Thomas Vestbø, Anders Aukland og Vegard Årthun Bergane. Bak dei ser me Åkrafjorden. Foto: Kondis/Gisle Sellevold.
Desse to har løyperekordane i Åkraløpet.
Marit Årthun 11.34 og Vegard Årthun Bergane 10.13
Åkrafjorden er 30190 m lang, 656 m djup og farleg i stormfulle tider - og særs vakker. Foto:Kondis/Gisle Sellevold
På den 15 km lange vegen oppe i fjellsida frå ferjekaien på Matre (difor Matre IL), fann kondis dette flotte postkassestativet. Foto: Gisle Sellevold/Kondis
Fin premiering til alle i Åkraløpet
Det blar å vera berrføtttemperatur i Åkraløpet. Foto: Kondis/Gisle Sellevold
Vegard Årthun Bergane startnummer 90.
Pinsehelga 2015
|
| Program for pinsehelga 2015 |
|
Pinsehelg i Åkra og på Baugstranda 2015 |
|
Fredag 22. mai kl 19.30: Bygdakveld Baugstranda - Ordførar Synnøve Solbakken kjem - Rømmegraut - Quiz - Song v/Fjordtrall - Lysbilete v/John Inge Brendeland Laurdag 23. mai (pinseafta):Føremiddagen: Sandvolleycup ved Åkra skule. - Mix-lag, 3 personar pr. lag. - Påmelding før tysdag 19.05. til Amund Furdal, tlf. 957 68 192. - Sal av grillmat. Ettermiddagen - Åkraløpet:- Trimklasse kl. 13.00. - Aktive kl. 14.00. - 25-årsjubileum! - Kiosksal. - Påmelding før start. Kl. 18.00: Workshop Åkra skule: - «Korleis vedlikehalde eit levande bygdesamfunn?» v/Eli Janette Fosso Me håpar flest mogleg vil bli med på workshop og middag. Både bygdafolk, tilreisande og dei som vil flytta hit. Kl 20.00: 2 rettars middag frå Elin`s matgleder, kr 250,- - Påmelding på middag/workshop til Anne Grethe Berge før 18. mai på tlf. 938 95 748. Kl 22.00: Open pub på Sjøbuo kafé Søndag 24. mai (1. pinsedag):Kl. 08.00: Roarane startar frå Fjæra. Påmelding til Trygve Øvstebø før 18. mai, tlf 917 35 864. Kl. 12.00: Båtane kjem til Øyro. Underhaldning og sal av lapskaus. (kr. 100,-) Sjøbuo kafè sel kaffi og kaker. Kl. 14.00: Gudsteneste i kyrkja v/Egil Larsen. Kl. 15.00: Konsert i kyrkja v/Sondre Bratland og Sigbjørn Apeland. Billett kr. 150,- Måndag 25. mai (2. pinsedag):- Kl. 11.00: Rundtur med start frå Baugstranda bygdahus, via Bauge – Hovda – Svelland. - Kontakt Erik Johan Furdal, tlf. 908 79 935. |
|
MATRE IL VIKA KRAFT AS ÅKRA BONDELAG HARDANGERFJORDMAGASINET Foto: Ingeborg Skålnes For meir info: Facebooksida til Åkra bygdalag/ www.aakrabygda.info |
