Buer og Berland vann Hangurslia Opp
På grunn av ei trafikkulukke kom ein del av deltakarane for seint til start, og Asbjørn Berland var ein av dei som fekk lov å starte i eige pulje. Da Kristen Skjeldal kom til mål som førstemann var han budd på kva som kunne skje.
- Dette gjekk bra det. Eg er omlag 20 sekund etter personleg rekord som eg tok for om lag fire år sidan. Men ver merksame på desse som kjem i neste pulje, sa Skjeldal i målområdet til Avisa Hordaland.
Og ikkje så lenge etterpå viste det seg at 18 år gamle Asbjørn Berland hadde brukt 15 sekund mindre tid. I kvinneklassen hadde May-Britt Buer 16 sekund til gode på Pernille Thomassen medan berre 15 år gamle Synne Mala Visnes vart nummer tre.
Hangurslia Opp er eit heller kort motbakkeløp. 200 høgdemeter skal forserast på 2,5 km, og vinnaren brukte i overkant av 10 minutt. I alt fullførte 80 løparar Hangurslia Opp, som òg var siste løpet i Oppturcupen på Voss. Cupen vart vunnen av Synne Mala Visnes og Kristen Skjeldal.
Resultat dei ti beste uavhengig av klasse Menn 1 Asbjørn Berland, FIL AKS-77 10:08 2 Kristen Skjeldal, Bulken IL 10:23 3 Arild Een, IL Ørnar 10:52 4 Brigt Strømmen, IL Fri 10:55 5 Claus Sellevoll, IL Norna-Salhus 10:58 6 Leif Bjørn Grindedal, Feios 11:00 7 Einar Trefall Eksingedalen, Modalen 11:03 7 Vebjørn Turtveit, Voss IL 11:03 9 Kjetil Dyrvik, Voss friidrett 11:10 10 Åsmund Aarsand, Ulvik IL 11:12 Kvinner 1 May Britt Buer, Harding IL 11:47 2 Pernille Thommasen, BFG Fana 12:03 3 Synne Mala Visnes, IL Gular 12:20 4 Marit Iden, Åsane Cykleklubb 13:37 5 Hege Djukastein, Bulken IL 13:52 6 Annvor Nestås, Bulken IL 14:03 7 Lise Custers Nedrebø, Voss IL 14:24 8 Ingvild Berlandstveit, Hålandsdal IL 14:26 9 Anne Grete Haugen, IL Viljar 14:36 10 Marianne Soltvedt, Voss IL 14:42
