Kirsten og Jon sette nye løyperekordar i Varden Opp på Sula

I tjukk tåke sette Kirsten Melkevik Otterbu og Jon Tvedt laurdag nye løyperekordar på 40.56 og 37.51 i det 7,5 km lange motbakkeløpet Varden Opp som har 776 høgdemeter mellom start og mål. Også Anita Håkenstad Evertsen viste med tida 41.57 at ho er på opptur mot EM 8. juli. Det var ho som forbetra tida si mest frå ifjor, med 1.28.

Artikkelen fortsetter under annonsen

Tekst og foto: Christian Prestegård
Foto: Kjetil Fylling

Sjå også førehandsomtale på Kondis.no/motbakke 22. juni

Etter fleire veker i strekk med flott vær på Sula var det i år håp om at deltakarane i Varden Opp endeleg skulle få nyte det praktfulle utsynet frå Varden på toppen av Sulafjellet 776 moh, men nei. Værgudane serverte så tjukk tåke at sikta på toppen var knapt 20 meter, men det dårlege været kunne ikkje hindre at det vart ny deltakarrekord med 170 deltakarar. Av desse deltok 88 i konkurranseklassa, 23 i trimklassa med tidtaking og 60 i trim utan tid. Sjølv valde eg å ta turen til topps som kondis.no-reporter i trimklassa utan tidtaking for å kunne fotografere dei beste deltakarane på toppen. Det vart mildt sagt vanskelege fotoforhold, men bileta fortel særs godt korleis tilhøva var på toppen, med tåke ,lett yr og 7 grader. På førehand hadde eg også engasjert Kjetil Fylling (Helsesjefen i Sula Kommune!) til å ta bilete for Kondis.no


	Foto: Kjetil Fylling. Jon Tvedt. IL Gular, har hatt mykje skadeproblem og var usikker på om han var på same nivå som i fjor. I Varden Opp fekk han svaret då han under vanskelegare løpsforhold forbetra sin eigen løyperekord frå i fjor med 18 sekundar til 37.51. Her er han i det siste bratthenget omlag 600 m før mål.

Dei 6 raskaste menn og kvinner totalt

Dei 6 beste kvinner:
1. Kirsten Melkevik Otterbu, BFG Fana, 40,56
2. Anita Håkenstad Evertsen, Øystre Slidre IL, 41,57
3. Christina Bus Holth, SK Vidar, 48,30
4. Stine Marie Løvold, Eidsdal, 56,01
5. Åse Iren Sætre, Ørsta IL, 56,37
6. Nancy Eggen, Sykkylven, 57,23

Dei 6 beste menn:
1. Jon Tvedt, Gular, 37.51
2. Tore Ruud Hofstad, Lillehammer IF, 40,27
3. Sven Nylund, Molde Olymp., 42,03
4. Runar Korsnes, EmblemIL/ Eidsnes, 43,00
5. Øyvind Bugge, Eidsvåg IL, 43,28
6. Magnor Rypdal, Isfjorden, 43,47

Anita er på opptur mot hovudmålet denne sesongen: EM i motbakkeløp i Frankrike 8. juli


	Foto Christian Prestegård. Anita forbetra tida si frå ifjor med 1 min og 28 sek og var berre minuttet bak Kirsten. I fjor var Anita 2 min og 17 sek bak Kirsten. Løpa til Kirsten og Anita var særs lovande med tanke på EM og dei to damene motiverar og inspirerar kvarandre no til ny høgder og topp-resultat i EM i motbakkeløp 8. juli. Anita har pga. skadeproblemer trent 2 timar kvar dag på langrennski i heile vinter. Ho har hatt praktfulle treningsforhold for langrenn på Beitostølen. Ho starta med løpstrening for alvor fyrst i slutten av april. 19. mai var ho heile 4 min. bak Kirsten i Heirsnosi Opp. No er dette forspranget redusert med 75% og så vil tida vise om 14 dagar er nok til å ta att dei siste 25%..

Kirsten imponerte med ny løyperekord under tyngre løpsforhold enn i fjor og berre 14 dagar etter sigeren i Stockholm Maraton


	Foto Christian Prestegård. Kirsten fekk det svaret frå kroppen som ho hadde håpa på og var sprudlande glad for at ho klarte å slå si eiga løyperekord frå i fjor. God løn for innsatsen fekk ho og av Sparebanken Møre. Kr. 5.000 for sigeren og kr. 2.500 for løyperekord. Det var Trygve Holm, leiaren i arrangementskomiteen, som delte ut sjekkane.

I Langevåg gjekk alt etter tidskjema for arrangøren. men det klarte ikkje SAS Braathens


	Foto Christian Prestegård. Etter ei kjapp og effektiv premieutdeling hasta vi avstad til Vigra for å rekke 18.30 flyet til Oslo, men det var over ein time forseinka og det på sjølvaste St.Hans-afta då vi skulle rekke heim til ulike arrangement. Men motbakkeløparar kan kunsten å takle motbakkar på ein positiv måte. Vi sette oss ikkje inne og stura i eit bur, men gjekk ut på foto-tur som blei ein ny opptur. I triveleg selskap med Tore og Anita fekk Christina Bus Holth, SK Vidar (i midten) fort attende det gode humøret etter ein tøff debut som motbakkeløpar. Ho åpna altfor fort og møtte veggen, men kom til topps som nr 3 totalt av kvinnene. No veit Christina at det kan være lurt å åpne litt rolegare i eit motbakkeløp enn då ho nyleg blei nr. 3 på 10km i Karlstad Stadslopp på 35.28. Tore Ruud Hofstad var godt nøgd med løpet sitt og tida 40.27. Det er kun Jon Tvedt som har løpt raskare.

Fotogalleri


	Foto Kjetil Fylling. Ut på opptur, aldri sur ! Funksjonærane var tidleg på plass ved drikkestasjonen og Raude Kors-stasjon ved Vonhytta.


	Foto Kjetil Fylling. Den lokale løparen Runar Korsnes frå Emblem IL og Eidsnes vann klasse 17-22 og blei nr 4 totalt i herreklassa på tida 43.00.


	Foto Christian Prestegård. Sven Nylund, Molde Olymp. passerer her målstreken som nr. 3 totalt i herreklassa på 42.03


	Foto Kjetil Fylling. Ut av tåka kom også den lokale maratonløparen Per Jan Helset (kl. 60-64 år) frå Langevåg som har sprunge heile 171 maratonløp. Ein skikkeleg hardhaus som var dagens einaste løpar med bar overkropp i kalde 7 plussgrader på toppen


	Foto Kjetil Fylling. Leif Gundersen i kl. 50-54 år ( startnr. 2) frå Langevåg er her på opptur saman med far sin Per Gundersen i kl. 70+ . Dei kom også likt til topps på 1.04.52. Leif Gundersen representerer Sparebanken Møre som er hovudsponsor for Varden Opp. Leif er filalsjef i Langevåg og går bokstaveleg tala føre som eit godt førebilete for og i ein bank som no har engasjert seg særs positivt som sponsor for mange motbakkeløp og ei ny nasjonal folkerørsle på kraftig opptur ! Bak Leif ser vi ryggen på T-skjorta til Turtagrø-Fanaråken Opp som i år også er arena for NM i motbakkeløp for både senior og veteran den 11. august i år.


	Foto Christian Prestegård. Og ut av tåka kom ein løpar mot mål i rasande fart som såg ut som ein kenyanar då han var 10 meter frå meg. Det var den brunbarka og senete Mangnor Rypdal frå Isfjorden. Han blei suveren vinnar av kl. 45-49 på tida 43,47 og nr. 6 totalt i herreklassa. Magnor har m.a. mange klassesigrar i Birkebeinerrennet. Etter løpet prøvde eg å få han til å melde seg på til NM i motbakkeløp for veteranar og senior i Turtagrø-Fanaråken Opp 11. august.


	Foto Kjetil Fylling. Topp innsats i det siste bratthenget før toppen. Sissel Walderhaug (Kl.45-49) og Inge Røren (Kl. 65-69)


	Foto Kjetil Fylling. Stine Marie Løvold. Eidsdal, vart nr. 4 i dameklassa på tida 56.01


	Foto Kjetil Fylling. Ingvald Knivsflå frå Geiranger IL var sist helg arrangør av Geiranger Halvmaraton. I dag kunne han springe sjølv og han kom til topps på 51.32 i kl. 23-39 år.


	Foto Kjetil Fylling. Magne Åkernes frå Langevåg i kl. 70+ fekk god hjelp av stavane i det ulendte terrenget på slutten av løpet.


	Foto Kjetil Fylling. David Vågsnes frå Langevåg var raskast av dei som deltok i trimklassa med tidtaking. Han brukte 57.03. Bak kjem Finn Godå i kl. 50-54 år som fekk tida 57,24


	Foto Christian Prestegård. På nedturen stoppa vi ved drikkestasjonen ved Vonhytta der det var bedre fotoforhold. Til venstre står Helsesjefen i Sula kommune Kjetil Fylling i samtale med Jan Egil Årnes frå Sykkylven. Jan Egil blei nr. 3 i klasse 50-54 år på tida 50.52. I bakgrunnen ser vi Per Gunnar Vasset (startnummer 63) , Langevåg, som vart nr 2 i kl. 50-54 på 50.32 og Christian Birkeland ( startnr. 52) som løp på 50.34 i kl. 23-39.