VENSTRE-OPPTUR i NM i motbakkeløp for politikarar

Artikkelen fortsetter under annonsen

VENSTRE dominerte det fyrste NM i motbakkeløp for politikarar i det 7,5 km lange motbakkeløpet KVASSHOVDEN OPP med 1030 meter stigning i Ulvik i Hardanger. Løypa kryssa m.a. over tunet på garden til Venstre-leiar og sauebonde Lars Sponheim som sjølv stilte til start og sikra arrangementet praktfull PR og sending på TV2 !

Tekst og foto: Christian Prestegård
Foto: Anne Jenny Dvergsdal

Sjå ny bilde-reportasje torsdag 31. juli på kondis.no med dei 350 andre deltakarane i Kvasshovden Opp. Klikk på Kvasshovden Opp - Idretts-sosial-kulturell OPPtur for 370
P.g.a. over 40 foto kjem kondis.no-reportasjen frå KVASSHOVDEN OPP i to delar. Den fyrste i dag har fokus på politikar-NM. Torsdag kveld kjem den andre og største reportasjen

Før eg let bileta og bilet-tekstane ta over formidlinga av NM i motbakkeløp for politikarar i Ulvik vil eg gje arrangøren med Johan Børsheim, kona Toril Lunde Børsheim og Haakon Innset i spissen ros for langt meir enn å ha laga ei praktfull og variert motbakkeløype som har eit stort potensiale. Allereie i premiere-året klarte arrangøren å lage eit eineståande flott heildags-arrangement frå trimmarane starta før kl. 09.00, Politikar-NM kl. 10.00, Konkurranseklassane kl. 12.00 , Premieseremoni kl. 16.30, Husmannstovetreff med underhaldning kl. 18.00 på den praktfulle utescena Kvemmadokkje på Børsheim der det kl. 19.00 vart avslutta med Valkyrien Allstars-konsert for hundrevis av tilskodarar. Sjå bileta nedanfor.


	Lars Sponheim stilte sporty opp på heimebane. Venstre-leiren er ikkje redd for tøffe utfordingar. Han gjekk som kjent frå Ulvik til Oslo då han blei vald inn på Tinget ! I nesten 30 graders varme vart dei 1030 høgdemetrane ei tøff og hard utfordring for fleire enn Lars Sponheim. Men Sponheim takla motbakkane og kom til topps ! Denne gongen fekk god drahjelp av sine partifeller som utgjorde 75% av deltakarane i politikarNM. Snakk om VENSTRE-dominans i den nye nasjonale folkesporten motbakkeløping som er på kraftig OPPTUR over heile landet. Venstre kan være på opptur mot eit TOPPVAL til neste år ! Kanskje Sponheim må gå til Oslo ein gong til ?..Eg trur han heller tek turen i Kvasshovden Opp !


	Foto Anne Jenny Dvergsdal. Topp-speaker Dag Lindebjerg losar Lars Sponheim dei siste metrane til topps og Mål !

Arne Garborg:


	Foto Anne Jenny Dvergsdal. Det tok på, men som Arne Garborg sa det i 1904 i Knudaheiabrev: \" Um bakkane kan væra tunge stundum , er det så mykje likare når ein fyrst hev vunne høgda\" !.. Til VENSTRE for Lars Sponheim sit den raskaste løparen i Politikar-NM Terje Breivik. Breivik som er generalsekretær i Venstre stilte i Sekretariats-klassen og løp på den gode tida 59.55. Han var med det heile 27 min raskare enn Ivar Ekeberg som vart nr. 2 i denne klassen.


	Foto Anne Jenny Dvergsdal. Situasjonsbilete like før Sponheim kjem i mål. Kor blir det av Sponheim ?


	Foto Anne Jenny Dvergsdal. Dette synet møtte Lars Sponheim då han hadde omlag 60-70 høgdemeter att til mål. Det er ikkje tvil om kvifor denne toppen heiter Kvasshovden.


	Foto Anne Jenny Dvergsdal. Gunnar Kvassheim, Venstre, gav alt for å slå Lars Sponheim og klarte det med 4 minuttars margin.


	Foto Anne Jenny Dvergsdal. Det tok på for Kvassheim på Kvasshovden å slå Sponheim på heimebane !


	Foto Anne Jenny Dvergsdal. Ola Elvestuen VENSTRE i sitt rette grøne element.


	Foto Anne Jenny Dvergsdal: Ola Elvestuen VENSTRE på siste drikkestasjon Gunnarsete.


	Foto Anne Jenny Dvergsdal. Kyrre Manger, VENSTRE vann politikar-klassa med dagens nest raskaste tid 1.14.13 av dei 20 som stilte i NM.


	Foto Anne Jenny Dvergsdal. Runolv Stegane ,Venstre Buskerud, vart nr 2 i politikar-klassa på 1.28.04


	Foto Anne Jenny Dvergsdal. Sølvi Merete Mangerøy, Radøy Venstre klarte å kome til topps på under 2 timar. Tida 1.57.18 gav henne 4.pl. i poltikar-klassa.


	Foto Anne Jenny Dvergsdal. Egil Holven, Venstre, Granvin Heradstyre. vart nr. 3 i politikar-klassa på 1.30.31


	Foto Anne Jenny Dvergsdal. Lars Henrik Paarup Michelsen (370) og Frode Fjeldstad (371). Begge Venstre og deltakarar i sekretariatsklassen.


	Foto Christian Prestegård. Etter premieutdelinga ved Rica Brakanes Hotel nede ved Fjorden i Ulvik rakk eg berre såvidt å dusje og skifte før det bar 250 høgdemeter rett opp til Husmannsplassen Kvemmadokkje på garden Børsheim. Tidlegare på dagen var dette fyrste drikkestasjon i motbakkeløpet Kvasshovden Opp. Kl. 18.00 deltok mange hundre på Husmannsstovetreff med Kulturinnslag og servering av husmannskost. Kl.19.00 var det konsert med Valkyrien Allstars som på denne praktfulle utescena var i sitt rette element. På biletet ønskjer Johan Børsheim alle velkomen. Det vart ein minnerik kveld med god underhaldning i flotte natur-omgjevnader.


	Foto Christian Prestegård. Torkjell Lunde Børsheim, son til Torill og Johan, med stor akrobatikk og presisjon. Tidlegare på dagen sprang han Kvasshovden Opp på 1.05.12 og gjekk på hendene over målstreken !


	Foto Christian Prestegård. Valkyrien Allstars.


	Foto Anne Jenny Dvergsdal. Denne bildereportasjen kan ikkje avluttast utan bilete av representantar frå Senterpartiet som vart det nest største partiet i NM. Den tidlegare storløparen og Generalsekræteren i NIF Ivar Ekeberg ( 374) er her i flott driv gjennom skogen ovanfor Børsheim. Ekeberg kom til topps på tida 1.26.53 og vart med det nr. 2 i klassa for Politiske sekretariat og nr. 3 totalt av dei 20 som deltok i NM i motbakkeløp for politikarar. Sjølv om Senterpartiet kun stilte med 3 deltkararar så plasserte dei seg på TOPP i NM. I dameklassa vart det gull og til Eva Kristin Dahl frå Ulvik SP på 1.35.11 og sølv til Sigrid Brattabø Handegard, Jondal SP, på 1.40.15


	Foto Christian Prestegård. Eldsjela Johan Børsheim ( til venstre ) og Haakon Innset i Ulvik IL fekk velfortent heder og ros på premieutdelinga. Det fyrste KVASSHOVDEN OPP vart ein kjempesuksess uansett kva ein vurderar suksess etter. Når det gjeld løypemerking og oppmåling av ei motbakkeløp-løype er Kvasshovden Opp allereie eit førebilete for korleis ei motbakkeløype skal merkast også med merkeband for kvar 25 m , høgdeskilt for kvar 100m og lengdeskilt for kvar kilometer. Det skulle også vise seg å være ein særs god PR-strategi og legge inn NM for politikarar. Med Lars Sponheim på startstreken måtte det jo berre bli TV-dekning på TV2 og to påføljande side 2 oppslag i Dagbladet på løpsdagen 26. juli og dagen etter løpet !

Venstre til høgre eller venstre ?


	Foto Anne Jenny Dvergsdal. Denne bildereportasjen må berre avsluttast med dette biletet frå løypa der den passerer garden og tunet til Lars Sponheim. Der skulle ein tru at løypa svinga til Venstre, men nei ! Den svinga til høgre. Er dette eit varsel om om kva retning Venstre vil orientere seg for eit breiare samarbeid ?