Kvasshovden Opp-Idretts-sosial-kulturell OPPtur for 370

Motbakkeløp er meir enn idrett - det er kultur i multidimensjonal forstand. Det fekk arrangør Ulvik IL illustrert på ein framifrå måte då 370 deltakarar laga folkefest både i løypa, på toppen og på Børsheim. Børsheim blei for mange dagens fyrste og siste drikkestasjon med idretts-sosialt-kulturelt påfyll for mange motbakkeløp framover !

Artikkelen fortsetter under annonsen

Tekst og foto: Christian Prestegård
Foto: Anne Jenny Dvergsdal og Kirsten A. Grevskott

Dette er reportasje nr. 2 frå Kvasshovden Opp 26. juli. Den fyrste vart publisert 29. juli med fokus på NM i motbakkeløp for politikarar. Den kan du lese her: VENSTRE-OPPTUR i NM i motbakkeløp for politikarar

Denne reportasjen skal me bokstaveleg tala snu på hovudet og starte med avlutninga på dagen. For ein av deltakarane, Torkjell Lunde Børsheim vart dagen ein lang og eineståande prestasjon både når det gjeld kondisjon, styrke, koordinasjon og presisisjon. Fyrst sprang han Kvasshovden Opp på 1.05.12, så held han ei forrykande danseoppvisning på hender og føtter...


	Foto Christian Prestegård. Torkjell Lunde Børsheim er son til arrangør Toril Lunde Børsheim og Johan Børsheim.


	Foto Anne Jenny Dvergsdal. Torkjell Lunde Børsheim, Ulvik IL spurtar mot mål etter å ha sprunge dei 7,5 km med 1030 meter stigning frå Ulvik Sentrum til Kvasshovdenpå 1.05.12. Medan fotografen retta kameraet mot dei løparane som kom bak sprang Torkjell dei siste metrane over målstreken på hendene.


	Foto Christian Prestegård.


	Foto Christian Prestegård. Det vart svært folksomt på den praktfulle utescena på husmannsplassen Kvemmadokkje på garden Børsheim. Allereie i premiere-året for Kvasshovden Opp klarte arrangøren å lage eit eineståande flott heildags-arrangement frå trimmarane starta før kl. 09.00, Politikar-NM kl. 10.00, Konkurranseklassane kl. 12.00 , Premieseremoni kl. 16.30, Husmannstovetreff med underhaldning og servering kl. 18.00 på den praktfulle utescena Kvemmadokkje på Børsheim der det kl. 19.00 vart avslutta med Valkyrien Allstars-konsert for hundrevis av tilskodarar.


	Foto Anne Jenny Dvergsdal. Over 250 trimmarar laga reine Tour de France-stemninga i målområdet 1030 moh på Kvasshovden då Jon Tvedt og dei andre omlag 100 konkurranseløparane kom stormande i mål. Det er dette som er sjølve suksess-konseptet for motbakkeløpa. Trimklassa utan tidtaking starter tidleg om morgonen og er på toppen og lagar ei flott og entusiastisk stemning når konkurranseløparane kjem i mål. Etterpå går alle saman ned att same vegen i eit sosialt \"løp\" og nyter utsynet og vidsynet som mange av konkurranseløparane ikkje hadde tid til å nyte på Oppturen. Slik sett er også nedturen ein OPPTUR !


	Foto Anne Jenny Dvergsdal. Situasjonsbilete som viser TOPP-spenninga like før konkurranseløparane er venta i mål. Kjem Jon Tvedt fyrst ?

Motbakke-kongen Jon Tvedt


	Foto Anne Jenny Dvergsdal. Motbakkekongen Jon Tvedt , Gular, spring i mål som nok ein gong som suveren vinnar på tida 50.19 med over 4 min til nr. 2. 18-åringen Erlend Drivenes, Tørvikbygd IL


	Foto Anne Jenny Dvergsdal. 18-åringen Erlend Drivenes frå Tørvikbygd IL vart nr 2 totalt på 54.41. Klarar Erlend å forbetre seg litt til neste år er han ein sterk kandidat til EM i motbakkeløp for junior.


	Foto Anne Jenny Dvergsdal. Therese Sjursen BFG Fana vann dameklassa på 1.06.59


	Foto Anne Jenny Dvergsdal. May Britt Buer, Harding IL vart nr 2 på 1.09.48


	Foto Anne Jenny Dvergsdal. Anja Veum, Lyn, vart nr. 3 på 1.10.30


	Foto Anne Jenny Dvergsdal. Bjarte Nestås Johnsen, Voss IL vart nr 3 totalt på 56.00


	Foto Anne Jenny Dvergsdal. Då 15-åringen Sander Sekkingstad Terum, Aurland IL sprang i mål som suveren vinnar av kl. 14-15 på tida 1.07.03 ropte speaker Dag Lindebjerg at dame nr. 2 var på veg mot mål ! Sander har heilt sidan han var 12 år vore på topp i klassa si i Stoltzekleiven Opp. DEt er ikkje mange motbakkeløp som har hatt klassar for 12-åringar, men no er Sander 15 og kan delta i konkurranseklassa i dei aller fleste løpa.

Far som son


	Foto Anne Jenny Dvergsdal. Framleis klarar Olav Terum, Arland IL, å halde sonen Sander bak seg in løypa, men det går nok ikkje mange år for Sander er oppe på sida og forbi. I Kvasshovden Opp vann Olav klasse 45-49 år på tida 59.59. Neste år er Olav i klasse 50-54 år..


	Foto Anne Jenny Dvergsdal. Rannveig Farestveit, IL Vargar, vart nr. 4 totalt i dameklassa og vann kl. 20-22 år på 1.12.22. Det såg ut som om ho hadde hatt det kjempegøy på oppturen frå Ulvik og la inn ein av dagens mest sprudlande innspurtar.


	Foto Anne Jenny Dvergsdal. Reportasjen frå Kvasshovden Opp kan ikkje avsluttast utan åm vise nokre fleire bilete av løypetraseen. Her er løypa like ovan for garden Børsheim, omlag 300 moh, i ein av dei flottaste partia for oss som likar å springe fort også i motbakkar. Dette partiet av løypa er ein god illustrasjon på kva løyper som vært nytta i EM og VM i motbakkeløp.


	Foto Anne Jenny Dvergsdal. I norske fjell er dette noko av det beste underlaget å springe på. Her ved omlag 850 moh kunne eg lett småspringe på fast og fint gras , i ein fargeprakt som nok gjorde at deltakarane frå VENSTRE og SENTERPARTIET i politikar-NM følte at dei var i sitt rette element.


	Foto Anne Jenny Dvergsdal. Her ser me utsynet nedover løypa og utover Ulvik. Fotoet vart teke omlag frå same stad som fotoet ovanfor.


	Foto: Kirsten A. Grevskott. Men løypa hadde også skikkeleg fjellterreng. Løypa var to stader sikra med tau som deltakarane kunne halde seg i. Sjølv hadde eg ikkje behov for å bruke tau, men Svanhild Grevskott ( 6 år) og Olav Dvergsdal Prestegård ( 7 år) syntes at det var kjempegæøy å klarte i tau.


	Foto Kirsten A. Grevskott. Svanhild ( 6 år) og Olav ( 7 år ) syntes at det var stor stas å få Kvasshovden Opp-merket etter målpassering og kunne få det heile foreviga på kondis.no. Det høyrer med til historia at Olav var så ivrig etter å kome til topps at han sprang i frå mor si og søstra si allereie då dei passerte garden til Lars Sponheim. Mora vart engsteleg for Olav som hadde løpt oppover på eiga hand utan mat og drikke. Men det var jo drikkestasjonar sa Olav og løypa var jo så godt merka at det var uråd å springe feil ! Dessutan så tok han jo att Svanhild Grevskott som han kunne slå følje med dei siste 300 hundre høgdemetrane til topps !


	Foto Christian Prestegård. 14-åringane Signe Langballe, Vilde Bull Hjeltnes og Maria Østereng frå Ulvik IL gjekk hand i hand over mål og fekk med det delt 2. plass i kl. 14-15 år.