Ingressbilde: Erlend Drivenes på veg mot løyperekord. Foto: Kjell Yrui
Flere bilder nedenfor resultatene.
Tekst: Thor Inge Døssland
Solfjelløpet i Uskedalen vart i år arrangert 9.juni. Løpet og løypa fekk mykje skryt frå deltakarane. Erlend Drivenes frå Tørvikbygd deltok i Solfjelløpet for første gang i fjor. Då slo han like godt til med løyperekord. Tida var 41.15, og før årets løp vart det sagt at den var knallsterk av folk som kjenner både nivået og løypa godt. I år gjorde han denne rekordnoteringa endå sterkare!
Uskedal.no hadde ein liten prat med den 24 år gamle rekordhaldaren og favoritten før løpet. Han satsar først og fremst på ski, men som vi veit kjem mange av dei beste motbakkeløparane i landet frå skimiljøet. Erlend Drivenes er blandt dei aller beste langrennsløparane i fylket. Han hevdar seg og godt på landsplan. Han deltar i mange ulike motbakkeløp som m.a. Skåla opp og Nuten opp. Han ser på dette som eit ledd i skitreninga.
- Det er eit krydder i treningskvardagen, seier den særs lovande skiløparen.
Han deltok altså i Solfjelløpet for første gang i fjor. Vi syns det er svært kjekt han er tilbake, og han har ei god foklaring på det.
- Eg likte løpet i fjor veldig godt. Både løypa og naturen med den fantastiske utsikten, var heilt topp. Dessutan passar det veldig godt inn i opplegget og reisa er ikkje så lang, er forklaringa frå Drivenes.
I ei forklaring på kor fint familien Drivenes syntes det var, fortel han at mora gjorde mykje for å få tak i eit bilde av han på toppen frå fjorårets løp. Ho syns det var eit flott bilde med fantastisk utsikt som bakgrunn. Dette bilde er no forstørra og heng på veggen heime hos familien Drivenes. Det fortel meir enn ord kor flott oppleving Solfjelløpet er!
- Du sette rekord i fjor, kva er målet i år? seier vi då vi pensar inn på årets løp. - Eg hadde ein god dag i fjor, men satsar på endå betre i år. Må jo gå for rekord, veit du, avsluttar Erlend Drivenes samtalen 1 time før løpet.
Og Erlend Drivenes held verkeleg ord. Allereie i første motbakkane la han seg klart i teten, og han nådde toppen av Solfjell etter 40 min. og 26 sek. Dermed forbetra han den knallsterke tida frå i fjor med heile 49 sek.
RESULTATER
Jenter 15-18 år. 1. Solveig Haugland, Uskedal IL 63.03 Gutar 15-18 år. 1. Henrik Bauge, Rosendal TL 47.40 2. Johannes Haugland, Uskedal IL 52.44 3. Tord Sæle, Uskedal IL 54.50 Menn 19-39 år. 1. Erlend Drivenes, Tørvikbygd IL 40.26(Løyperekord) 2. Andreas Søfteland, Søfteland IL 44.16 3. Johannes Heien, IL Ternen 49.13 4. Bjørn K. Sørvik, Bremnes Seashore 51.38 5. Eirik Musland, Lysekloster IL 54.16 6. Yngve Myhre, Uskedal IL 54.46 Menn 40-59 år. 1. Dag-Henry Nilsen, Vaksdal 45.59 2. Kjetil Styrvoll, Opptur 47.09 3. Steinar Haugland, Uskedal IL 48.21 4. Valter Midtsæter, Mjøsdalen IL 50.55 5. Bjørn E. Haugland, Uskedal IL 51.46 6. Geir Eikeland, Statoil BIL 54.12 7. Øystein Øvsthus, Mjøsdalen IL 57.35 8. Richard Berthelsen, Mjøsdalen IL 58.23 9. Magne Heien, IL Ternen 60.35 10. Kurt Haugland, Uskedal IL 76.41 Menn over 60 år. 1. Pål Haugland, Uskedal IL 69.45 Damer 40-59 år. 1. Margunn Eik, Uskedal IL 54.17 2. Hildegunn Håland, KK BIL 55.40 3. Randi Norås, Mjøsdalen IL 68.30
Utsikten frå toppen av Solfjell. Ulvanåsa i bakgrunnen. Foto: Ann Irene Sæle.
Johannes Haugland vart nr. 2 i klasse 15-18 år. Han fekk tida 52.44. Foto: Anbjørn Høivik.
Vinnaren av dameklassen Margun Eik. Ho fekk i år tida 54.17. Løyperekorden hennar frå i fjor lyder på 52.08. Foto: Anjørn Høivik.
Geir Eikeland, Yngve Myhre, Eirik Musland og Tord Sæle nærmare seg toppen.
Foto: Anbjørn Høivik.
Hildegunn Håland, Kvinnherad BIL, spurtar mot mål. Ho vart nr. 2 i dameklassen.
Foto: Hildegunn Håland.
Solveig Haugland, Uskedal IL vann klasse 15 – 18 år. Foto: Anbjørn Høivik.
Randi Nordås frå Mjøsdalen vart nr. 4 av damene. Foto: Anbjørn Høivik.
Pål Haugland, Uskedal IL, snart i mål. Foto: Anbjørn Høivik.
Folkelivet på toppen av Solfjell. Foto: Kjell Yri.
