Gjengen bak Norges tøffaste fjelløp med løpsleiar Amund Sverre Tomasgard, sponsorsjef Svein Otto Espe, webansvarleg Ralf Bjarne Taraldset og Egil Seljeset i spissen har slått på stortromma og fått laga ein imponerande film frå løypa i Hornindal Rundt.
Filmen er redigert av Egil Seljeset. Musikken er basert på folkesangen "Om kvelden" frå Hornindal, arrangert, framført og innspelt og av Egil Seljeset. Starring: Hornindal`s finest. Filmen er sponsa av Aurstadkonsernet.
Hornindal Rundt 2014 går av stabelen for femte gong med start laurdag den 5.juli.
Hornindal Rundt er eit fjelløp, men og kalt terreng-ultraløp som seier at det er lenger enn maraton og går langs merka løype i terreng rundt i Hornindal kommune. Fjelløpet er ein kontrast til vanleg motbakkeløp, og er heller ein ekstrem variant, der hovudløpet er 75 km lang og har ei samla stigning på 5 600 høgdemeter, noko løpsleiar Amund Sverre Tomasgard hevder kvalifiserar løpet til betegninga "Norges tøffaste fjelløp".
Og for mosjonistar
Sjølv om løpet kvart år får fleire internasjonale deltakarar og har ein ekstrem løypeprofil, understrekar Tomasgard at løpet og er for mosjonistar. Løpsleiar Tomasgard ønsker med det alle som er skikka til kraftanstrenginga velkomen til å delta på arrangementet i Hornindal 5. juli.
I tillegg til 75 km-løpet er det og ein "light" versjon med 38 km fjelløp. Begge variantane har felles start og den første delen av løypa felles. Vidare blir det og arrangert eit miniløp utan konkurranse på 6 km.
Les og om saken i Sunnmørsposten
Meir informasjon om løpet finn ein på:
Tidligare løp:
Sjå reportasje1 frå Hornindal Rundt 2013
Sjå reportase2 med fleire bilde frå Hornindal Rundt 2013
Nokre stillbilde frå filmen:
Storehornet
Gulekoppen
Muldsvorhornet
Posten ved Blåvatnet ved foten av Hornindalsrokken.
Løpsleiar Amund Sverre Tomasgard på Høgenibba
Kviven
På Ytrehornsnakken, siste kontrollpost. Grodås i bakgrunnen
Start og mål er i Grodås sentrum i Hornindal kommune