Ingress-biletet: Thomas Finshus frå då han vann Trongjo Opp i vår.
Thomas Finshus er arrangør av Sluseløpet 7. september i Skjoldastraumen.
"Stord Rett Opp" går opp til Kattnakken fjernsynsmast. Løypa er stort sett grus, men også om lag 1000 m asfalt. Det vert notert mellomtid ved bommen etter 2857 m. Me ser at det er om lag halvegs reint tidsmessig. Løypa er 4930 m og omlag 500 høgdemeter.
Oddmund Roalkvam still going strong
Bak seg hadde han "evigunge" Oddmund Roalkvam, Stord IL, på 55 år. Tid: 26.36. På tredje, eit nytt namn for underskrivne, Anders Rudal på 27.23.
Deltakarrekord
Det var også gledeleg ny deltakarrekord med 49 menn og 3 kvinner. I kvinneklassen må arrangøren, Stord IL ha mykje å henta til neste år.
Maryna Novik vann kvinneklassen
Maryna Novik, IF Klypetussen sprang på den flotte tida 32.31. Med det ville ho blitt nr 18 i herreklassen. Elise Roalkvam (dotter til Oddmund) fekk 37.59 og Ida Torvastad på 3. plass løp på 49.23.
Mathias Berge (13) imponerer - igjen
Mathias Berge, Stegaberg IL. Han vart nr 15 av 49 i herreklassen. Han er berre 13 år og fekk tida 31.32. Imponerande!
Tre beste: (i parentes tid for passering bommen)
Kvinner:
1. Maryna Novik, IF Klypetussen (15.55) 32.31
2. Elise Roalkvam, Stord IL (18.15) 37.59
3. Ida Torvastad, (23.57) 49.23
Menn:
1. Thomas Finshus, Stegaberg IL (13.00) 26.02 (løyperekord)
2. Oddmund Roalkvam, Stord IL (13.36) 26.36
3. Anders Rudal (13.36) 27.23