Seier til Gular og Stegaberg Langs Åkrafjorden

Røldalsjenta Kjersti Fresvik spring for IL Gular og vert trent av den tidlegare storløparen Arne Risa. Ho har vore god i mange år, men har teke store steg denne sesongen med m.a. flott innsats på 5000 og 10000 m i NM. No vann ho Langs Åkrafjorden på nestbeste tid nokon gong. 41.25 brukte ho på dei 11 sterkt kuperte kilometrane. Well done, Kjersti!


Kjerst Fresvik, IL Gular på veg til mål etter 11 tøffe km

Bergprisen til Kjerst og Thomas
Etter 2950 m når ein toppen på løypa. Dei siste 2,5 km er samanhengande motbakke. Her er det pris til fyrste dame og mann. Totalvinnarane var fyrst også her. Thomas passerte på 11.27 og Kjersti på 12.32.

Thomas Finshus vann, og persa seg 
Thomas Finshus, Stegaberg IL held godt nivå, og er med på å løfta mange lokale tilskipingar i Sunnhordland og Nord-Rogaland. No var han igjen raskast av samtlege, og kom i mål i einsam majestet på 39.29, ny personleg rekord. 


Thomas Finshus, Stegaberg IL forsvarer her fjorårssigeren.


Resultat løp kvinner

Resultat løp menn

RESULTATER 11 KM LØP


Resultat rulleski

RESULTATER RULLESKI


Ruskever og flotte løpstilhøve...
Sjølvmotseiande mellomtittel? Nei. For på morgonen og i timane før løpsstart var det styrtregn og sterke vindkular. Likevel var det 13 jenter og 29 gutar som møtte opp for å springa på tid. Nivået i jenteklassen var gledeleg høgt. Berre i 200... då Ingrid Kristiansen vart nr 5, har det vore høgare...

Det var for andre år på rad lagt inn rulleskirenn. Ruskeveret skremte nok ein del, berre 5 tøffingar stilte opp. Men tilskiparane i IF Klypetussen er visst viljuge til å prøva også neste år. Men også her var det gode prestasjonar.

Under sjølve mosjonsløpet var det nære på vindstille og 16 varmegradar. Det må karakteriserast som gode løpstilhøve som fleire skulle ha fått oppleva langs den vakre fjorden.
I alt 134 deltakarar på gamle E 134.

Løyperekordane overlevde
Laban Siro, IF Klypetussen og Kenya er den suverent største idrettslege prestasjonen i Langs Åkrafjorden. 33.35 på 11 sterkt kuperte km (2011) har dobbeltvinnar av m.a. Midnattsloppet i Gøteborg (10000 deltakarar). Maryna Novik, IF Klypetussen klarte i 2014 endeleg å sletta den lengelevande rekorden til Miriam Berg Hovda. Rekorden er på 40.33.

Kjersti Fresvik fekk i år 41.25, og Miriam er no på 3. plass på den sterke lista, med 41.28. 

Tilsvarande for herrane er:
1. Laban Siro, 33.35 2. Francis Kipketer Chesumai, Kenya (vinnar av Montreal Marathon 34.39 og 3. Rasmus Stølsmark, GTI Stavanger 35.25.

Fullførte tre månader etter fødselen
Carina Hornenes debuterte i Langs Åkrafjorden i 2014 med ei tid rett over 60 minutt. Etter fødselen av Livia 9. juni 2015, har ho hatt éin treningstur på 6 km. Ho fortalte at ho hadde gangsperr i tre dagar etter den turen. No vona ho å klara under 75 minutt. 69.55 vart det, så ho klarte målet med glans! Godt levert! Ho var til god hjelp for Kondis sin løpande reportar som slepte å løpa aleine. 

Familien Rasmussen kom frå Avaldsnes i regn og vind
Mini-intervju med Monica Rasmussen:
Hei, beklager at vi dro før vi fikk snakket med deg. Vi var våte, og måtte få på oss tørre klær før hjemturen. Sender deg derfor svar på spørsmålene her.                                             

 1: Traseen var kjekk, litt tungt til å begynne med, men det ble lettere og det gikk bra.
Fin løype i flotte omgivelser.

2: Arrangementet var bra, det er jo et forholdsvis lite løp når vi ser på antall løpere, men vi likte det alle tre.
                           
3: Vi ante jo ikke hva vi gikk til når det gjaldt dette løpet i og med at det var første gang vi deltok. Men vi hadde jo satt oss noen mål og de klarte vi alle tre med god margin.                 

4: Våre to gutter på 18 og 20 år spiller til daglig fotball i 4. divisjon på Avaldsnes, så de har jo alltid vært aktive.Min mann begynte å løpe maraton i 2011, den gang i Oslo. Jeg var med som tilskuer, og tenkte da at dette vil jeg og gjøre. Med null løpe-erfaring, så begynte jeg så smått med løping. Deltok i halvmaraton i Oslo 2012. Løp min første maraton i Oslo 2014. Løp min andre maraton i Paris 2015. Neste år skal jeg løpe maraton i Paris i april, og skal delta i min første Ironman i Haugesund i juli. Treningen er noe vi alle i familien setter høyt, så du kan vel si at vi er en travel og aktiv familie. Noe vi trives veldig godt med.                                                         

5: Vi håper å komme tilbake neste år, da med pappen med på laget (han var i Nordsjøen og kunne ikke være med) 

Hilsen Monica Rasmussen

Kondis takkar hjarteleg for at Monica tok seg tid til å svara utfyllande på våre spørsmål. 
Her er dei flotte resultata til familien Rasmussen:
Nr 1: K 40 - 44: Monica Rasmussen, Avaldsnes IL 56.03
Nr 1: G-18:      Niklas Rasmussen,  Avaldsnes IL 48.50
Nr 3; MS:        Mats Rasmussen,   Avaldsnes IL 44.42


Styrtregn og stormkast før løpet.


Verkeleg surt, - men det var før løpet.


Sykla ut tidleg, men fyrstemann i mål er fyrstemann i mål: Svein Helge Gullhaug glad og nøgd.


Veteranprat. Frå venstre: Harald Måge, Gunvald Gundersen, Berit Ekkje og Skjalg Duesund har tydelegvis hatt ein god dag. 


Om me tek med alle geitene som gjekk langs løypa, så blir deltakartalet riktig stort.

Desse kan meir enn å laga mat. Dei er kokkar på Skånevik Fjordhotell.

Mor og dotter. Utan fdugnad stoppar Idretts-Noreg. 


Johannes Dale melder seg og kona på til ivrige funksjonærar


Arrangøren IF Klypetussen har gjort seg føre med fine skilt.


13 idrettslag pluss mange "Privat" var representerte i "Langs Åkrafjorden" 2015.


Tor Arne Sandvik (40 - 44) frå arrangørklubben IF Klypetussen forbetra seg kraftig, og vart nr 2. 
Bileta tekne av Trygve Gunnar Bjelland Henriksen og Gisle Sellevold for Kondis.