Spring dei inn éin million langt ute "huttiheita"?

Kan 100 elevar løpa inn éin million til eit misjonsprosjekt?
Eit misjonsløp er slik Lundenesrussen definerer det, misjon i praksis. Løpet med sponsorpengar til eit misjonsprosjekt er ein viktig del av innsamlingsmetodane til desse flotte ungdommane. 

Frå prosjektsjefen David Hovda, fekk me spørsmål om denne tilføyinga:
"Vil du vere med å sponse løpet?
Kontakt prosjektleiar på mail: dhovda@hotmail.com" ?
Den føyer me til med glede.

"Langt ute i "Huttiheita"?
For alle dei som ikkje har høyrt om Ølensvåg - kan "Huttiheita" vera fyrste reaksjon, men her er det mykje storindustri. 
Ølensvåg er ei lita bygd med enorm verdiskaping. Westcon skipsverft, Omega A/S, Ølen Betong A/S og Granberg Garveri er nokre av dei store verksemdene. I nabobygda, Bjoa finn ein Granberg A/S. Ølen er no slått saman med Vindafjord kommune og har no 8765 innbyggarar.

Lundeneset er ein kristen vidaregåande skule i Ølensvåg i Nord-Rogaland, 45 km aust for Haugesund. Med så aktive og så flott ungdom i sitt 50. år, ser det lyst ut for Lundeneset videregåande skule.


  
Passerast millionen?
Tysdag 3. november kl 1800 startar løpet. 
Løpet er ope for dei som vil bidra til prosjektet. 
Kr 709.000 kom inn i 2013 (sjå reportasje på.kondis.no)
Kr 970.000 kom inn i 2014

2015: Kr....? 

Flott ungdom! 
Kvar elev har på førehand samla inn ein fast sum eller kr pr runde dei klarer å gjennomføra. Dei har to klokketimar på å få så mange rundar á 810 m som mogeleg. 

Kondis løper også
Kondis sin aldrande reportar er utfordra av tre av elevane til å sponsa dei. Han får lov til sjølv å delta på løpinga.

Gaute Byberg klarte heile 31 rundar i 2013, då løypa var rundt 900 m
Tydeleg eit løpstalent. Gaute Byberg skilte seg ut sist kondis.no skreiv om løpet - med flott løpesett, og utruleg stamina. Runde etter runde i tilsynelatande same tempo - i to timar i vind og regn. Er løypa 900 m, skulle det bli ca 28 km under langt frå ideelle tilhøve, og med fleire hushjørne å passera. 

To raskaste får gratis kondismedlemsskap
Kondis lovar at den jenta og den guten med flest rundar, vil få medlemsskap i Kondis ut 2016.


 Oppmuntrande oppslag langs løypa                   Foto: løpar i 2013

Førebuing er viktig for eit vellukka prosjekt.                                         Foto: tilskiparane/Lundenesrussen
                                                                                                                    
Løparar, rundeteljarar, tidtakarar og publikum i Misjonsløpet i 2014.    Foto: tilskiparane/Lundenesrussen

Slik såg det ut i 2013. Tysdag 3. november 2015 kan det vera like hustrig. Då er det godt å la seg motivera av ei god sak.