Biletet: I.L. Trio sin "far" Tjerand Lunde, var heidersgjest under Sunnhordalandsmeisterskapen i friidrett. Han har vore ein av pådrivarane for denne meisterskapen. No for fyrste gong på den flunkande nye stadion. Og rundt stadionanlegget er det lagt ei flott 930 m lang grusløype. Med stabbesteinar! Stemneleiar Arne Torget er ein pasjonert rimsmed, og Kondis oppmodar han om å forfatta eit stabbesteindikt.
Les også reportasjen fra dag 2
Meisterskapen har berre seniorklasse. Det betyr at her konkurrerer alle frå 15 år og opp til godt vaksne veteranar i same klasse. Kondis er installert på den flotte campingplassen på Husnes med god mat og fin service.
Ikkje overveldande stor deltaking, men veldig flott atmosfære. Det offisielle opningsstemnet vert 13. og 14. september.
1500 m var lengste løpsøving dag 1. Her var yngstemann Erlend Nymark Jensen suverén med 4,26.1 i varmen. Han fortalte til Kondis at han trenar 70 - 80 km i veka, og satsar mest på lange løp som halvmaraton, der han har 1.17 tidlegare i år.
1500 meter menn
1. Erlend Nymark Jensen, Trio 4.26,1
2. Magnus Hartz, Trio 4.56,7
3. Kenneth Blom, Trio 5.23,3
4. Gunnar Vaage, Trio 5.26,8
5. Gunvald Gundersen, IF Klypetussen 6.31,2
1500 meter damer
1. Marita Thorsvik, Trio 5.03,9
Biletkavalkade fra dag 1
Eit flott anlegg i flott natur ved Opsangervatnet på Husnes
Tjerand Lunde har bore Sunnhordlandsmeisterskapen i mange år - tydeleg stolt av den nye, flotte bana.
Fin atmosfære på første stemne på Husnes sentralidrettsanlegg
Stemneleiar Arne Torget, blæs SM i gong. Han har lagt ned enormt med dugnadsarbeid for den nye stadionen!
I.L. Trio og Kvinnherad har fått eit kjempeflott stadion-anlegg
Marita Thorsvik, som driv med militær femkamp, sprang frå fleire av mannfolka på 1500 m. Eit flott gjennomført løp!
Marita Thorsvik med ein fornøgd far etter ein god 1500 m
On your marks, get set....
Glede over nytt idrettsanlegg! Gunnar Vaage kom rett frå 81 km og Rallarvegsløpet til 1500 m på den nye heimebana. Kenneth Blom, noregsmeister i triatlon for veteranar, trippar lett inne ved lista.