Nivået i denne E-cupen er høgt, og som forventa hadde ikkje dei norske sjanse til å hengje med i teten verken individuelt eller i lagkonkurransen. Men for både Varegg- og Strindheim-laget var det ei fin erfaring å få med seg, og når dei i tillegg kunne kombinere deltakinga i E-cupen med treningsleir i etterkant, så vart utbyttet bra.
"Dette var ei verdifull og kjekk oppleving for både løparar og støtteapparat som motiverer til vidare satsing," skriv Varegg i rapporten på heimesida si.
Beste Varegg-jente var Christina Ellefsen Hopland som kom på ein 48. plass. Ho sprang dei dryge 6 kilometrane på 23.40. Klubbvenninne Hilde Fenne følgde ein plass og 2 sekund bak. Løpet vart vunni av kenyanske Fancy Cherono som sprang for Sporting Clube de Portugal og brukte 20.15. Danske Maja Møller Alm vart nummer fire med 20.51. Sporting Clube de Portugal vann lagkonkurransen klart medan danske Aarhus kom på femteplass.
Ebrahim Abdulaziz vart best av Strindheim-løparane på ein 45. plass. Han brukte 31.59 på den 9,73 km lange terrengløypa. Fram til vinnaren Jacob Kiplimo frå Uganda, som er ein av verdas aller beste løparar, skilte det 3 minutt. Trond Ørjan Eide var nest best av Strindheim-løparane og kom på ein 58. plass med 32.32.
Svenske Robel Fsiha imponerte med å bli nummer tre på 29.50, og det svenske laget Spårvegen vart nummer seks i lagkonkurransen som vart vunnen av spanske Atletismo Bikila.
Ebrahim Abdulaziz var raskast av Strindheim-løparane. Her ser vi han under NM terrengløp sist haust, og det var innsatsen til Strindheim der som gjorde at klubben vart Noreg sin representant i E-cupen. (Foto: Runar Gilberg)
Det var lagt inn nokre hinder i løypa, men Kristine Fjellanger kom seg greit over dei og til mål på ein 52. plass. (Foto: Trygve Andresen)
Kvinner individuelt | |||
1 | CHERONO Fancy | Sporting Clube de Portugal POR | 20:15 |
2 | KIMELI Daisy Jeptoo | Kasimpaşa Spor Kulübü Derneği TUR | 20:19 |
3 | GEBRE Trihas | Bilbao Atletismo Santutxu ESP | 20:44 |
4 | ALM Maja Møller | Aarhus Gymnastikforening DEN | 20:51 |
5 | RIBEIRO Sara Catarina | Sporting Clube de Portugal POR | 20:53 |
... | |||
47 | HOPLAND Christina Ellefsen | Varegg Fleridrett NOR | 23:38 |
48 | FENNE Hilde | Varegg Fleridrett NOR | 23:40 |
52 | FJELLANGER Kristine | Varegg Fleridrett NOR | 23:46 |
69 | FÆRØ Bertine-Helene | Varegg Fleridrett NOR | 25:19 |
Menn individuelt | |||
1 | KIPLIMO Jacob | Casone Noceto Club ITA | 29:00 |
2 | KIPLANGAT Davis | Sporting Clube de Portugal POR | 29:00 |
3 | FSIHA Robel | Spårvägens FK SWE | 29:50 |
4 | HENDRIX Robin | Olympic Essenbeek Halle BEL | 29:59 |
5 | LAMDASSEM Ayad | Atletismo Bikila ESP | 30:15 |
... | |||
45 | ABDULAZIZ Ebrahim | Strindheim IL NOR | 31:59 |
58 | EIDE Trond Ørjan | Strindheim IL NOR | 32:32 |
67 | GLOMNES Iver Matias Linge | Strindheim IL NOR | 32:56 |
68 | SØRTVEIT Erlend Gjerdevik | Strindheim IL NOR | 32:57 |
71 | ØSTERBØ Øystein Kvaal | Strindheim IL NOR | 33:04 |
81 | BJØRGUM Mats | Strindheim IL NOR | 33:34 |
Kvinner lag | |||
1 | SPORTING CLUBE DE PORTUGAL POR | 1 + 5 + 6 + 13 | 25 |
2 | BILBAO ATLETISMO SANTUTXU ESP | 3 + 10 + 15 + 19 | 47 |
3 | KS PODLASIE BIALYSTOK POL | 7 + 11 + 12 + 25 | 55 |
4 | KASIMPAŞA SP. KULÜBÜ DERNEĞI TUR | 2 + 16 + 22 + 23 | 63 |
5 | AARHUS GYMNASTIKFORENING DEN | 4 + 14 + 35 + 37 | 90 |
... | |||
12 | VAREGG FLERIDRETT NOR | 47 + 48 + 52 + 69 | 216 |
Menn lag | |||
1 | ATLETISMO BIKILA ESP | 5 + 7 + 11 + 20 | 43 |
2 | CASONE NOCETO CLUB ITA | 1 + 14 + 18 + 19 | 52 |
3 | SPORTING CLUBE DE PORTUGAL POR | 2 + 15 + 25 + 27 | 69 |
4 | ISTANBUL BBSK TUR | 9 + 17 + 21 + 24 | 71 |
5 | ALÈS CÉVENNES ATHLÉTISME FRA | 8 + 10 + 32 + 34 | 84 |
6 | SPÅRVÄGENS FK SWE | 3 + 13 + 53 + 59 | 128 |
... | |||
13 | STRINDHEIM IL NOR | 45 + 58 + 67 + 68 | 238 |
Alle resultat
Etterpå var det treningsleir i Albufeira, og Hilde Fenne, Christina Ellefsen Hopland og Bertine-Helene Færø ser ut til å nyte det vakre landskapet. (Foto: Trygve Andresen)