Dei fem løpa i motbakkecupen vil òg vera uttaksløp til VM i motbakkeløp som går i Canillo i Andorra 15. september. I cupen vil fire av fem løp telje, og samanlagtvinnarane vil kjempe om ein samla premiepott på 80 000 kroner.
Fire av dei fem løpa i cupen går på Vestlandet - frå Sauda i sør til Ørsta i nord - så slik sett vil det bli lang reiseveg for løparar frå Nord-Noreg eller Sør- og Austlandet om dei vil ha med seg så mange løp at dei har sjanse i samandraget.
- Vi har hatt mange velkvalifiserte søkjarar å velja mellom, og vi er svært tilfreds med interessa, uttala Jostein Hatteberg, leiar av Motbakkeløpsutvalet i Norges Friidrettsforbund til friidrett.no.
- Vi trur det kan verta mange spennande løp og duellar i neste års motbakkecup, legg han til.
Løpa i Norsk motbakkecup
1. Løvstakken Opp 12. mai
Arrangør: BFG Bergen Løpeklubb, Bergen, Hordaland
Nettside
2. Skuggenatten Opp (Norsk meisterskap) 2. juni
Arrangør: Treungen IL, Treungen, Telemark
Nettside
3. Hovlandsnuten Opp 9. juni
Arrangør: Sauda IL, Sauda, Rogaland
Nettside
4. Saudehornet Rett Opp 4. august
Arrangør: Ørsta IL, Ørsta, Møre og Romsdal
Nettside
5. Fanaråken Opp 11. august
Arrangør: IL Fanaråk, Turtagrø, Sogn og Fjordane
Nettside
VM arrangeres i Canilla i Andorra 15. september.
World Mountain Running Associaton si nettside
Motbakkecupen vil starte med Løvstakken Opp 12. mai. (Foto: Trygve Andresen)
