Tekst og foto: Nils Hetleflåt
Mange av dei framåtstormande unge norske mellom- og langdistanseløparane var sundag i nederlandske Tilburg for å prøva å komme seg med på det norske laget til EM i Velenje i Slovania. Dei fekk god motstand i det tradisjonsrike løpet Warandeloop som vart arrangert for 53. gong.
Først ut var dei to jentene Ida Østerås og Karoline E. Skatteboe i U20-klassen. Saman med 40 andre jenter sprang dei ei 4,3 km lange løype. Etter ein litt forsiktig start sprang dei seg sterkt framover i feltet etter kvart som løpet utvikla seg, og Ida drog pulje to i lange periodar siste halvdel. Dei fleste i den pulja måtte sleppe, og Ida kunne springa inn til ein flott fjerdeplass med tida 15.47 medan Karoline kom inn til tiandeplass med 16.16.
I U20-klassen for menn var startfeltet på over 100 mann, men fleire av dei kom ikkje til mål. Det norske laget bestod av Ferdinand K. Edman, Marius Vedvik, Sindre Løchting, Jørgen Frost Bø, Elias Ottosen og Magnus S. Hjellum, og for mange av desse var dette det største feltet dei hadde deltatt i når det gjaldt terrengløp.
Ferdinand var den einaste av dei norske som var med i teten frå start av medan dei andre sprang seg oppover i feltet. Ca. 800 m føre mål måtte Ferdinand melda pass med store magesmerter, og dermed vart det Marius Vedvik som sprang inn som beste norske til niandeplass med tida 20.25 på det 6,2 km lange løpet. Deretter kom dei norske som perler på ei snor med Sindre på 12. plass, Jørgen på 13. plass, Elias på 19. plass og Magnus på 21. plass.
I menn ungdom under 23 år var det Ørjan Grønnevig og Hans Kristian Fløystad som representerte Noreg. Dei sprang saman med seniorklassen, og det var påmeldt 150 løparar i desse to klassane. Farten var svært høg ut frå start, og begge dei norske gutane vart klemt inn litt bak i feltet. Dermed måtte dei bruke ein del krefter på dei to første av dei seks rundane på å komme seg fram.
Ørjan klarte å få heng på pulje to ut på den tredje runden og var med den pulja til halvvegs ut på femte runden, før han måtte sleppa dei litt på slutten. Hans Kristian på si side jobba seg stødig framover gjennom stort sett heile løpet.
Til slutt kom Ørjan inn på 15. plass totalt og 4. plass i U23-klassen med tida 31.38 på 10 km. Hans Kristian fekk 24. plass totalt og 5. plass i U-23 med 31.56.
Alt i alt var Warandeloop eit flott arrangement der dei norske løparane fekk nyttig erfaring med det å springe i internasjonale felt.
Ida Østerås sprang inn til ein sterk fjerdeplass i terrengløpet i Tilburg i Nederland.
| Menn senior og U23 | |||
| 1 | Vitaly Shafar | Oekraïne | 30:30 |
| 2 | Khalid Choukoud | Haag Atletiek | 30:42 |
| 3 | Jesper vder Wielen (U23) | Cifla | 31:00 |
| 4 | Steffen Uliczka | Duitsland | 31:03 |
| 5 | Abdi Nageeye (U23) | Cifla | 31:03 |
| 6 | Mark Kenneally | Ierland | 31:04 |
| 7 | Guus Janssen | Nijmegen Atletiek | 31:08 |
| 8 | Thomas Poesiat | Haag Atletiek | 31:13 |
| 9 | Sven Weyer | Duitsland | 31:15 |
| 10 | Vitalij Gheorghita | Moldavië | 31:18 |
| 11 | Julian Flugel | Duitsland | 31:20 |
| 12 | Niels Verwer (U23) | AV Castricum | 31:28 |
| 13 | Kjell d'Hondt | België | 31:33 |
| 14 | Rico Schwarz | Duitsland | 31:35 |
| 15 | Ørjan Grønnevig (U23) | Noorwegen | 31:38 |
| ... | |||
| 24 | Hans Kr. Fløystad (U23) | Noorwegen | 31:56 |
| Kvinner U20 | |||
| 1 | Priska Auf der Maur | Zwitserland | 15:12 |
| 2 | Jip Vastenburg | AV '34 | 15:22 |
| 3 | Irene van Lieshout | De Keien | 15:37 |
| 4 | Ida Østerås | Noorwegen | 15:47 |
| 5 | Louisa Boschan | Duitsland | 15:48 |
| 6 | Marlin van Hal | De Keien | 16:01 |
| 7 | Julia van Velthoven | Attila | 16:04 |
| 8 | Anne Luijten | Olympus '70 | 16:12 |
| 9 | Lina Alainentalo | Zweden | 16:16 |
| 10 | Karoline E. Skatteboe | Noorwegen | 16:16 |
| Menn U20 | |||
| 1 | Fabian Jucker | Zwitserland | 20:02 |
| 2 | Adriano Engelhardt | Zwitserland | 20:04 |
| 3 | Brian Kamstra | AAC '61 | 20:05 |
| 4 | Yannick Jager | Zwitserland | 20:08 |
| 5 | John Kingstedt | Zweden | 20:09 |
| 6 | Filip Johanson | Zweden | 20:11 |
| 7 | Jorijn de Mare | Hellas | 20:12 |
| 8 | Elmar Engholm | Zweden | 20:25 |
| 9 | Marius Vedvik | Noorwegen | 20:25 |
| 10 | Richard Douma | Zaanland | 20:27 |
| 11 | Albin Olausson | Zweden | 20:31 |
| 12 | Sindre Løchting | Noorwegen | 20:41 |
| 13 | Jorgen Frost Bø | Noorwegen | 20:43 |
| ... | |||
| 19 | Elias Ottosen | Noorwegen | 20:55 |
| 21 | Magnus Sirnes Hjellum | Noorwegen | 20:58 |
Alle resultat
Karoline E. Skatteboe som i nordisk meisterskap så vidt slo Ida Østerås, vart no nummer ti knappe halvminuttet bak Ida.
Ørjan Grønnevig sprang offensivt og hong godt med sterke løparar frå store deler av Europa.
Hans Kristian Fløystad var 18 sekund bak Ørjan Grønnevig, og det heldt til ein femteplass i U23-klassen.
Warandeloops heimeside
Reportasje hos Det europeiske friidrettsforbundet
