Novik og Finshus vann i Sauda

Ingressbiletet frå Hestanipen Opp i Vindafjord, eitt av dei mange løpa Novik og Finshus har vunne same år

Maryna Novik, IF Klypetussen og Thomas Finshus, Stegaberg IL raskast 
2.2 km knallhard motbakke og 400 m høgdeskilnad.. 19.51 på Maryna, og 16.10 på Thomas. Det er ikkje få løp dei har vore nr 1 i kvar sin klasse. I mange tilfelle krona med løyperekord attpå.

Arrangøren, langrennsgruppa i Sauda IL, har ein artig vri i reklamen for løpet.
Løpet har 1.3 km i luftlinje. (Tilbod om paraglider ned att...)?

Auke i deltakinga
10 i kvinneklassen og 35 i herreklassen er flott i eit ekstremløp som dette. I tillegg var det 7 ungdommar som sprang på tid i det 9. Vårkaaten. 92 gjekk i trimklassen. 144 totalt. I løpsklassene var det ein auke fra 40 i fjor til 52 i år.

Over 4000 nuteringar
Elles har kondis.no fått vite at det sidan årsskiftet er over 4000 nuteringar i boka i målområdet. Då forstår ein kvifor det er "Folk i form til livet" (Kondis sitt motto) i Sauda. Her held folk seg verkeleg i form.

Historikk
Laila Herheim, Øyvind Herheim og Morten Tveit møttest tilfeldig på veg ned frå Rondehaugen. Dei byrja å snakka om alle dei uoffisielle tidene som trimmarar brukte frå Brekke og opp til Rondehaugen.

Dei ville laga eit løp der, så fekk dei start og mål og nøyaktige tider. Namnet Vårkaaten kom til med tanke på at ein no går over frå ski til joggesko. Det er vår, og ein er yr og lett i kroppen. 

Resultat dei tre raskaste:
Jenter:
1. Maryna Novik,      IF Klypetussen    19.51 
2. Jorunn Øye,        Sauda IL          21.24
3. Karine Klæbøe,     Sauda IL          21.33

Gutar:
1. Thomas Finshus,    Stegaberg IL      16.10
2. Asbjørn Skoglund,  Sauda IL          16.46
3. Egil Herheim,      Sauda IL          17.05

Løyperekordar:
Jenter:   Jorunn Øye,         Sauda IL        18.11 (2007)
Gutar:   Thomas Finshus,  Stegaberg IL  16.03  (2013)