Klubbmeister i terrengløp
Foss Angeltvedt raskast i Gular
Kjetil Foss Angeltvedt var først i mål av dei 13 Gular-gutane som kjempa om den ærefulle tittelen "klubbmeister i terrengløp". Berre ei dame deltok.
Løypa var godt og vel 3 kilometer lang, og Kjetil Foss Angeltvedt var einaste mann under 10 minutt. 9.57 var vinnartida, og 800 m-spesialist Ådne Svahn Dæhlin var nærmast, 35 sekund bak.
Imponerte gjorde også tredjemann, Bjarte Bogstad,. Han er vorten 48 år gamal, men heng godt med unggutane. No var han berre sekundet bak Svahn Dæhlin. Men så var vel Bogstad òg mannen i feltet med den sterkaste 3000 m-persen. I 1993 sprang han 3000 m på 8.15,07. Til samanlikning har Foss Angeltvedt pers på 8.19,71.
Medan det på herresida vart mønstra mest eit heilt Holmenkollstafettlag, var Nora Systad einaste kvinne som stilte til start i terrengløpet 12. november. Men klubbmeister vart ho like fullt, etter å ha teki seg rundt på 13.37.
| Menn | |||
| 1. | Kjetil Foss Angeltvedt | 9;57 | |
| 2. | Ådne Svahn Dæhlin | 10;32 | |
| 3. | Bjarte Bogstad | 10;33 | |
| 4. | Lars Røttingen | 10,46 | |
| 5. | Jonas Dalland | 10;59 | |
| 6. | Geir Storetvedt Skaten | 11;04 | |
| 7. | Sondre Dingsør Skogen | 11;04 | |
| 8. | Eirik Myrmel | 11;11 | |
| 9. | Kristoffer Grindedal Janson | 11;21 | |
| 10. | Kristian Ullern Faksvåg | 11;22 | |
| 11. | Morten Kjønsberg | 11;49 | |
| 12. | Marius Gerdes | 12;17 | |
| 13. | Njål Kvendseth | 12;43 | |
| Kvinner | |||
| 1. | Nora Systad | 13;37 | |
