64 sprang i ausande regnvêr
Ingebrigtsen-siger i Arborettrimmen
Jakob Ingebrigtsen var raskast i den korte løypa i det andre løpet i Arborettrimmen utanfor Sandnes 9. november.
BILETET: Jakob Ingebrigtsen hadde trekt hetta godt over hovudet før han gav seg i kast med oppvarminga. Vinnartida hans vart 12 sekund svakare enn i det første løpet, og forholda hadde nok mesteparten av skulda for det. (Foto: Runar Gilberg)
Ca. 6 varmegrader og ausande regn var ikkje det vêret verken løparar eller arrangør hadde ønska seg. Likevel var det veldig fint å springe i den vakre og varierte løypa i Rogaland Arboret. Med ei mengde ulike tre og planteslag som ramme fekk løparane suse rundt den 2682 m lange rundløypa ein, to eller tre gonger.
Størsteparten av løypa går på gruslagte turvegar, men det er òg fleire strekk med god sti og gras. Traseen er heller kupert med ei lang og til dels bratt stigning og ein lengre unnabakke per runde.
Elleve ungar var med på Minitrimmen, og dei sprang ein flatare runde på 750 meter.
I kortløypa vart det førsteplass til to 13-åringar, Jakob Ingebrigtsen og Camilla Ziesler. Begge vann på sterke tider, 8.43,4 og 10.11,4. I den mellomlange løypa var det storesøster Caroline Ziesler som utmerka seg mest med å ha best tid av samtlege. I langløypa var trearen frå 3-sjøersløpet, Simen Bergseth, klart raskast, utan at han la like mykje i det som da han sprang på 1.12.12 i 3-sjøers ei veke tidlegare.
Annonse
Dei beste uavhengig av klasse
| Menn 2682 m | |||
| 1 | Jakob Ingebrigtsen 00 | Sandnes IL | 8.43.4 |
| 2 | Jan Erik Wergeland 85 | Sandnes IL | 8.45.1 |
| 3 | Dost Mohammed 93 | Sandnes IL | 9.09.4 |
| 4 | Christopher R Fardan 95 | Sandnes IL | 9.42.6 |
| Kvinner 2682 m | |||
| 1 | Camilla Ziesler 00 | Sandnes IL | 10.11.4 |
| 2 | Christina Skåra 90 | Sandnes IL | 11.21.8 |
| 3 | Synne Eikeland 02 | Sandnes IL | 12.20.8 |
| 4 | Eline Wiig 02 | Gjesdal IL | 12.40.5 |
| Menn 5364 m | |||
| 1 | Harald Haga 67 | SUS BIL | 25.24.0 |
| 2 | Svein Haugland 55 | Lemmikäinen | 26.48.5 |
| 3 | Terje Gilberg 66 | Moi IL | 28.51.0 |
| 4 | Axl Kleven 02 | Sola Friidrett | 32.44.8 |
| Kvinner 5364 m | |||
| 1 | Caroline Ziesler 95 | Sandnes IL | 21.49.7 |
| 2 | Ingrid Haga 01 | Sandnes IL | 25.54.7 |
| 3 | Nancy Kleven 73 | 32.50.1 | |
| Menn 8046 m | |||
| 1 | Simen Bergseth 92 | IL Skjalg | 30.21.9 |
| 2 | Runar Gilberg 65 | SK Vidar | 32.20.0 |
| 3 | Erling Angeltveit 63 | Vågen vg skole | 32.49.5 |
| 4 | Kristian Gautesen 77 | Statoil | 33.12.6 |
| Kvinner 8046 m | |||
| 1 | Tone Svela | 44.32.2 | |
| 2 | Kristine Kleven 83 | 50.21.3 |
Reportasje frå det første løpet
Camilla Ziesler er berre 13 år, men gjorde unna den kuperte runden på 2682 meter på 10.11,4. (Foto: Arrangøren)
Annonse
Jakob Ingebrigtsen har fått ei luke til Jan Erik Wergeland og susar i mål på 8.43,4. (Foto: Arrangøren)
Nancy Kleven har gjort unna to fine rundar i det heller intense Rogalands-regnet. (Foto: Terje Gilberg)
Simen Bergseth frå Skjalg kan juble for førsteplass i langløypa. (Foto: Terje Gilberg)
Desse fire karane kjempa om plassane bak Simen Bergseth i langløypa. Her har dei gjort unna ein tredjedel av løpet, og Bjørnar Nedrebø leiar an framføre Runar Gilberg, Kristian Gautesen og Erling Angeltveit. (Foto: Arrangøren)
Erling Angeltveit kan klokke seg inn på 32.49,5 og er godt nøgd med tredjeplassen. På ei veke har mannen som snart fyllar 50, sprungi 3-Sjøersløpet, Friskkarusell rundt Mosvatnet og no Arborettrimmen. (Foto: Terje Gilberg)
Annonse
Ungane var ivrige etter å komma i gang på sin runde på 750 meter. (Foto: Runar Gilberg)
Snart var dei i godt driv med eller utan assistanse frå støtteapparatet. I Arborettrimmen er det tilbod til alle, og dei to siste løpa i årets karusell går 16. og 30. november. (Foto: Runar Gilberg)
