Suksess for det første Sluseløpet

Mange born og mange vaksne og ein del gåarar - i alt over 130 deltakarar i særs usikkert ver. Enorme regnbygar både før og etter løpet, men under løpet stort sett sol - og 17 varme gradar, men ein del vind. Arrangørane hadde førebudd seg godt, særs godt. Påmeldinga, avviklinga av løpet, kafé, premietrekking og premieutdeling fungerte perfekt i ein flott atmosfære.

Thomas Finshus vann sitt eige løp
Idemakar Thomas Finshus viste alle ryggen i den varierte og krevande løypa. Mest asfalt, men ein del grusveg og ca 300 m på beitemark. Spesielt er det at arrangørane hadde laga til ei sløyfe på kvar side av slusa, slik at publikum fekk sjå løparane i store delar av den knapt 4.5 km lange løypa. Thomas Finshus og Eivind Tore Langelandsvik i Skjoldastraumen bygdelag fekk ideen for om lag tre år sidan og har utvikla arrangementet saman.

Flott turområde
På veg til og frå Skjoldastraumen tenkte Kondis sin representant at "her må me koma att og springa frå E-134 og inn til Skjoldastraumen". Makan til vakker natur skal ein leita lenge etter!

Resultat:
Kvinner:
1. Janne Vatnaland 18.45
2. Pia Susann Finshus 20.12
3. Brit Janne Hebnes 20.44

Menn:
1. Thomas Finshus 15.57
2. Gerhard Steinsnes 16.05
3. Rune Jensen 17.15

Resultatliste.pdf

Kjekt å prøva pallen. Tidleg krøkast som god krok skal bli. Foto: Hjalmar Grundberg

Frå venstre dei tre raskaste jentene: Pia Susann Finshus, Janne Vatlaland og Brit Janne Hebnes. Foto: Gisle Sellevold

Frå venstre: ikkje nr 2 Gerhard Steinsnes, vinnar Thomas Finshus og nr 3 evigunge Rune Jensen. Foto: Gisle Sellevold

Løpsutviklar Thomas Finshus og Benjamin hadde startnummer 1 i h.h.v. vaksenløpet og barneløpet. Foto: Hjalmar Grundberg.

Mange born var med - framtida i Skjoldastraumen ser lys ut. Foto: Gisle Sellevold

Det blomstrar i Skjoldastraumen om dagen. Foto: Gisle Sellevold

Mange tilskodarar heia løparane fram når dei passerte halvegs. Her Gerhard Steinsnes nr 2 i løpet.
Foto: Hjalmar Grundberg.

Kondismedlemsskap trekt blant alle vaksne konkurranseløparane. Arrangøren promoterte Kondis på ein flott måte!
Foto: Gisle Sellevold

Benjamin vert berømt... Startnummer 1 i det alle fyrste Sluseløpet. Foto: Hjalmar Grundberg

"Utan funksjonærar stoppar Idretts-Noreg!" Foto: Gisle Sellevold

Janne Vatlaland suveren i fyrste Sluseløpet. Foto: Gisle Sellevold

"Per Spelemann". Denne karen i Skjoldastraumen seiast å vera opphavsmann til songen: Per Spelmann.

Ein del av sluseanlegget. Foto: Gisle Sellevold

Åh, gosh! Foto: Gisle Sellevold