Løp 2 i motbakkecupen
Buer og Sombol vann Storehesten Opp
May Britt Buer og John Sombol tok klare sigrar i Storehesten Opp 26. juni. Ingen var i nærleiken av krava for å utløyse bonusen på 50.000 kr.
John Sombol var knappe to minutt bak vinnartida si frå i fjor, og sleipt underlag og skodde på toppen var nok noko av forklaringa på det. Fram til bonus-grensa på 1 time var det over 6 minutt. Han hadde uansett mest fire minutts forsprang til Øyvind Heiberg Sundby på andreplass. Vidare ned til Joel Dyrhovden på tredjeplass var til gjengjeld avstanden minimal med berre 1 sekund. Årets norske motbakkekomet, 19 år gamle Asbjørn Barland, måtte denne gongen nøye seg med fjerdeplass, dryge fire minutt unna pallplassering.
I kvinneklassen var det store avstandar mellom dei fem beste. Merete Helgheim, som vann i fjor, vart nummer to ca. 2 minutt bak May Britt Buer. Therese Sjursen tok tredjeplassen ytterlegare eit femminutt bak. Anna Tråve i 55-59-årsklassen imponerte stort med å ha berre seks ungdommar framføre seg. Avstanden opp til pallen var heller ikkje stor.
Storehesten Opp hadde også i år auke i talet på konkurranseløparar. Mosjonistklassen er vorten svært stor, og alt i alt deltok heile 1247 konkurrerande og mosjonerande deltakarar.
Sia berre løparar som spring for norske klubbar tel i Norges-cupen i motbakkeløp, leiar no Øyvind Heiberg Sundby føre Joel Dyrhovden. Heiberg Sundby og Dyrhovden vart nummer to og tre - etter John Sombol - òg i Hovlandsnuten Opp som var det første løpet i cupen. May Britt Buer vart der nummer tre, men ingen av dei som slo ho den gongen var med no. Dermed leiar Gular-jenta i samandraget, føre Merete Helgheim og Therese Sjursen.
| Kvinner | |
| 1 May Britt Buer, Gular | 01:21:39 |
| 2 Merete Helgheim, Gloppen | 01:24:24 |
| 3 Therese Sjursen, BFG Fana | 01:29:53 |
| 4 Elisabeth Hildenes, Eid IL | 01:33:35 |
| 5 Audhild Hestad, Gaular IL | 01:35:20 |
| 6 Malene Haukøy, Kyrkjebø | 01:35:47 |
| 7 Anna Margrete Tråve, SK Vidar | 01:35:52 |
| 8 Marit Tveite Bystøl, IL Eldar | 01:37:44 |
| Menn | |
| 1 John Sombol, Barakarunner | 01:06:02 |
| 2 Øyvind Heiberg Sundby, IK Tjalve | 01:10:14 |
| 3 Joel Dyrhovden, Samnanger | 01:10:15 |
| 4 Asbjørn Berland, Samnanger | 01:14:31 |
| 5 Sindre Hoff, Viksdal | 01:14:56 |
| 6 Thomas Henriksen, Fossum IF | 01:15:25 |
| 7 André Haugsbø, Gaular IL | 01:15:54 |
| 8 Kjetil Dyrvik, Voss Friidrettslag | 01:19:54 |
| 9 Gjøran Tefre, Førde IL | 01:19:57 |
| 10 Ole-Petter Soltvedt, Kalandseid IL | 01:20:25 |
DEI BESTE UAVHENGIG AV KLASSE
Annonse
Alle resultat
Heimesida til Storehesten Opp med bilete frå løpet Suveren seier til John Sombol på 1.06.02
Starten:Etter at pulsklokkene er startet kan 124 konkurranseløpere ta fatt på 11 km med over 1200 høydemetre på vei opp til toppen av Storehesten.
De beste herrene: John Sombol, Øyvind Heiberg Sundby, Joel Dyrholvden og Asbjørn Berland
De beste damene: May Britt Buer, Merete Helgheim og Therese Sjursen
Annonse
Idyll:Noen på vei opp og noen på vei ned igjen i tåke og gjørme, men det ble likevel en flott dag på fjellet.
Nesten i mål:Mange kranset løypa i innspurten.
Folksomt på toppen:Selv om det ble en del færre deltakere enn i fjor, så er 1250 påmeldte et tall arrangøren er godt fornøyd med. Som i fjor var det drøye 100 i konkurranseklassen mens det i den nye mosjonsklassen med tidtaking var 38 løpere.
