Laban Siro sette løyperekord

Tidlegare direktør gjennom mange år i Rosenborg Ballklubb, Nils Skutle, var der. Løyperekordhaldar Thomas Finshus, Laban Siro, gamleordførar Lars Øyre og noverande ordførar i Etne, Sigve Sørheim var der også. . Gamleordførar Øyre var den sprekaste, for han stilte opp i konkurranseklassen og gjennomførte eit flott løp. Men tøft av ein travel ordførar og vera med på tilskipinga. Slikt står det respekt av.

Laban Siro sette løyperekord
Kraftige regnskyll før løpet, skremte kanskje nokon for å delta, men 60 personar stilte opp. Det er ny deltakar-rekord. Løypa er veldig kupert, og tungløpt med steinete stier opp og ned, trebruer og berg som må forserast. Alternativ til Råtassen? 

Løyperekordhaldar Thomas Finshus frå Stegaberg IL kom til start i det startskotet gjekk, etter å ha køyrd i kø bak campingbil-turistar. Han heiv seg rundt, og tok opp jakta på teten. Han klarte å koma seg i tet, men etter ca ein km sette han foten ned i ei myr og eine skoa gjekk av.

Laban Siro som låg like bak, høyrde eit "no" og trudde Thomas hadde tatt feil av løypa. Han stoppa opp, men såg at Thomas hadde tråkka av seg skoa i myra. Då sprang han vidare åleine. Trass i tre andre stopp grunna litt uheldig merking av løypa, kom han i mål på 21.10 - nok til å forbetra løyperekorden med 13 sekund.

Arrangøren skapar fin atmosfære - fleire kjem att
Fjæra og Rullestad IL skapar fin atmosfære kring dette løpet. Difor var det fleire som var med for andre og tredje gong. Men det er likevel stort utviklingspotensial. At det var ny deltakarrekord, bør også inspirera arrangøren til å ta tilskipinga enno eit steg vidare til neste år. Kanskje eit barneløp? Og litt meire PR? Premiar for løyperekord som kan lokka fleire av dei gode lokale folka med?

Resultat i konkurranseklassen

Jenter:
1. Anna Markhus         30.28
2. Gunn Markhus         33.24
3. Guro Gravdehaug      35.23
4. Maren Markhus        35.38
5. Marthe Markhus       75.03
6. Sølvi Markhus        75.04
   Helene Markhus       DNF
   Eldbjørg Markhus     DNF

Gutar:
1. Laban Siro           21.10    Løyperekord
2. Per Øyvind Valen     22.07
3. Thomas Finshus       24.08
4. Carl Magnus Skutle   27.16
5. Kristian Markhus     29.11
6. Robert Melkeraaen    30.27
7. Harald Måge          32.58
8. Roger Brekke         36.59
9. Lars Øyre            37.48
10.Gisle Sellevold      49.18


Frå venstre: Thomas Finshus, Stegaberg IL, Laban Siro, IF Klypetussen og Per Øyvind Valen, Haugesund IL. Foto: Kondis


Dei tre raskaste jentene: Anna Markhus, Gunn Markhus og Guro Gravdehaug.   Foto: Kondis


Lars Skutle haddde med far sin, Nils (ikkje ukjend Rosenborg BK direktør i mange år.           Foto: Kondis


I fin stil mot mål på Halvfjordingen                                                                                                Foto: Kondis


Lillomarka O-lag var godt representert. Ein flott og triveleg gjeng.                    Foto: Kondis


Ordførar Sigve Sørheim flankert av arrangørar - Signe Ellen Fjæra og Torleif Fjæra.        Foto: Kondis