Motbakkecupen søkjer arrangørar

Innan 4. mars må arrangørar til Norsk Friidretts Motbakkecup 2012 ha meldt seg. Alle som oppfyller søknadskriteriane i utlysingsteksten blir oppmoda om å søkja. Kor mange løp som skal inngå, er ikkje bestemt enno. I 2011 var det Ulriken opp, Hovlandsnuten opp, Storehesten opp, Kvasshovden opp og Oslos Bratteste som var med i cupen.

Biletet: Thorbjørn Ludvigsen var 20 poeng før nummer to Joel Dyrhovden i 2011-cupen.

Artikkelen fortsetter under annonsen

Pressemelding:

Norsk Friidrett vidarefører den tradisjonsrike Norgescupen i motbakkeløp og inviterer klubbar om å søkje om å bli med som arrangør.

Cupen består av fleire løp gjennom heile sesongen der det vert samanlagtpremiering etter fastsett poengsystem. Det blir penge og utstyrspremiar for samanlagtrangering etter alle løpa. Klassane i cupen er junior (U20) og seniorklasse for kvinner og menn.

Norgescuparrangementa er tenkt lagt inn i etablerte eksisterande arrangement gjennom heile sesongen. Motbakkeløpsutvalget vil vurdere konkurranseforholda utifrå arrangementets løypertrasè og løypelengde spesielt med tanke på at løp i Norgescupen gjeld som grunnlag for uttak til internasjonale meisterskap i motbakkeløp i 2012.

Søknaden om tildeling av arrangement må innehalde:
• Beskrivelse av løypetrase mht. stigning, lengde og løpsunderlag
• Beskrivelse av arrangement i 2011 inkl deltakartal.
• Beskrivelse av arrangementserfaring.
• Dato for løpet i 2012.
• Overnattingskapasitet i nærområdet.
• Påmeldings og tidtakarsystem ein brukar.
• Kontaktperson med kontaktinformasjon.
• Eventuell link til arrangementet sine nettsider.

Krav til arrangør:
Arrangørar som blir tildelt Norsk Friidretts Motbakkecup 2012 må signere avtale om arrangement i cupen der ein bekreftar at ein kan profilere sponsor for cupen og gje denne profilering på arrangementet etter avtale. Sponsor for cupen krev normalt ikkje bransjeeksklusivitet i arrangement som inngår i cupen. Dermed kan arrangøren kan ha eigne avtaler innan same bransje som sponsor for cupen og likevel søkje Norgescup, men arrangør må kunne profilere cupen sine sponsorar.

Arrangør blir tildelt arrangementet under forutsetning av at ein signerer avtale med Norsk Friidrett fastsett av motbakkeløpsutvalet. Det er også ein forutsetning at arrangementet er i tråd med NFIF sitt regelverk. For å bli vurdert må arrangør vere tilslutta krets og forbund og oppfylt sine forpliktelsar mht startavgifter i 2011. Arrangement som går midtveke blir normalt ikkje vurderte for tildeling.

Søknad
Søknad og eventuelle spørsmål om Norsk Friidretts Motbakkecup 2012 rettast til leiar i motbakkeløpsutvalet Jostein Hatteberg.

Søknadsfrist 4. mars.

Kontaktinfo: Jostein Hatteberg
E-post: rosendal@folgefonn.net
Telefon: 53 48 15 90 mob: 489 94213

Annan kontaktperson: Narve Heggheim
e-post: narve.heggheim@friidrett.no
Telefon: 57 76 12 22