I slutten av juli vann Kirsten det 115 km lange løpet rundt Gross Glockner-massivet i Austerrike. Sigeren var i suveren stil, men fekk sine følger, med akillesproblemer i ettertid. Ifølgje Kirsten sin Instagramkonto har det stort sett blitt trening på sykkel som opplading til helgas løp i Sveits. I utgangpunktet var Kirsten påmeld til løpet over 110 km. På grunn av det manglande treningsgrunnlaget måtte ho halvera distansen og stilte i løpet som var på 53 km og med 2968 høgdemeter. Det skulle visa seg å gå riktig så bra.
Både Kirsten og Mirjam hang godt med frå start i Adelboden og låg i tetgruppa heilt frå starten. Tyske Daniela Oemus var i føringa heile vegen og var i ein eigen klasse. Daniela Oemus vann og hadde til slutt ein sigersmargin på heile 33 minutt. Det blei ein tett kamp om plassane bak henne. Kirsten Amundsgård seier ho sleit muskulært undervegs som følge av den trøblete oppladinga, og det såg lenge ut til at Mirjam Sårheim skulle bli beste norske løpar denne dagen.
Etter 20 km var det ein samanhengande motbakke med over 1500 høgdemeter. Det gjekk tungt for Kirsten i denne fasen, men mot løypas høgaste punkt, Cabane Wildstrubel på 2789 moh, lausna det. Ved siste passeringspunkt på 44 km var Mirjam nummer tre og Kirsten nummer fire.
I mål var dette snudd etter ein langspurt det lukta svidd av frå Kirsten Amundsgård. Kirsten hadde avansert kraftig og sikra seg andreplassen på tida 6.38.40, med Mirjam Sårheim på tredje, 2.05 bak Molde-jenta.
Alt i alt blei det ein stor norsk dag der Sindre Burås blei nummer 10 og Runar Sæther nummer 15 i herreklassen på 50 kilometeren. Patrick Stangeby blei nummer 137 på 110 kilometeren, og Harald Ringdal sprang inn til 237. plass på 70 kilometeren. Til saman har vi funne elleve norske løparar fordelt på dei tre distansane.
Mirjam Sårheim (til venstre) og Kirsten Amundsgård gratulerer hverandre med pallplass i 50 kilometeren i Wild Strubel i Sveits. (Foto: @wildstrubelbyutmb / @agencezoom)
| 50 km kvinner | ||||
| 1 | Daniela OEMUS | Germany | W20-34 | 06:05:03 |
| 2 | Kirsten Hindhammer AMUNDSGÅRD | Norway | W20-34 | 06:38:40 |
| 3 | Mirjam SAARHEIM | Norway | W45-49 | 06:40:45 |
| ... | ||||
| 71 | Marit Anita SCHMID | Norway | W20-34 | 09:13:36 |
| 50 km menn | ||||
| 1 | Benedikt HOFFMANN | Germany | M35-39 | 04:58:14 |
| 2 | Clovis CHAVEROT | France | M20-34 | 05:04:13 |
| 3 | Dylan RIBEIRO | France | M20-34 | 05:08:58 |
| ... | ||||
| 10 | Sindre BURAAS | Norway | M20-34 | 05:41:04 |
| 15 | Runar SAETHER | Norway | M45-49 | 06:05:49 |
| 86 | Stian TOLLESHAUG | Norway | M35-39 | 07:09:06 |
| Norske 70 km menn | ||||
| 237 | Harald RINGDAL | Norway | M45-49 | 12:51:12 |
| 288 | Ken HJELTNES | Norway | M40-44 | 13:30:19 |
| Norske 110 km | ||||
| 137 | Patrick STANGBYE | Norway | M20-34 | 19:28:17 |
| 195 | Espen HOLM ENGELSTAD | Norway | M40-44 | 20:34:23 |
| 282 | Kristoffer SKAU | Norway | M35-39 | 22:19:08 |
Alle resultat
Kirsten Hindhammer Amundsgård fikk ikke forberedt seg helt optimalt på grunn av skade, men løp likevel inn til andrplass på "sprintdistansen" i UTMB Wild Strubel. (Foto: @wildstrubelbyutmb / @agencezoom)
