På førehand hadde Arrangør IL Modig og Aurland IL håpa på å få omlag 100 deltakarar. Det vart 180 med i 87 i konkurranseklassane. Arrangementet vart ein suksess i godt samarbeid med værgudane. Arrangøren hadde marknadsført løpet som eit ekstremt løp i ekstrem natur, men løypa var heldigvis ikkje så ekstremt bratt (43%) som ein kunne få inntrykk av ut frå løypeinfoen på førehand. Sjå førehandsomtale 27. juli på Kondis.no

Løypa starta ved skulen på Bakka omlag 4 km utover vestsida av Nærøyfjorden frå Gudvangen. Første 500 meter av løypa gjekk på flat veg i retning Tufto, deretter gjekk løypa RETT OPP ! langs bratt og god sti i omlag 2km til Rimstigen, 725 meter over havet. Frå toppen var det storslagent utsyn utover Nærøyfjorden som er på Unesco si verdsarvliste.
 
Ingressfoto Christian Prestegård. 
I herreklassa vart kampen om sigeren ein ny duell mellom Øyvind Heiberg Sundby IK Tjalve (til venstre) og Joel Dyrhovden Samnanger.  I NM i motbakkeløp 16. juli var Joel den raskaste av dei to då han vann NM Junior22 og Øyvind vann Seniorklassa. I Rimstigen Opp var Øyvind den raskaste.
640_3beste
640_OyvindogJoel_foto_ChrPrestegaard

Øyvind Heiberg Sundby (t.v) og Joel Dyrhovden med utsyn utover Nærøyfjorden.

640_Trebestedamer_FotoChristianPrestegaard

Foto Christian Prestegård . Dei tre raskaste damene. Frå høgre Merete Helgheim, Hilde Fenne og Trude Andersen

640_Premieutdeling_FotoChristianPrestegaard

Foto Christian Prestegård.  NRK Profilen Dag Lindebjerg var speaker på toppen og leia etterpå premieutdelinga nede ved Bakka Skule.

640_OyvindHeibergSundby_FotoRagnhild

Øyvind Heiberg Sundby , kom småspringande oppover sjølv i dei aller brattaste partia av løypa, medan Joel Dyrhovden på andre plass kom klyvande oppover med lange steg. For min eigen del blir det meir turmarsj enn løp når det er så bratt. Foto Ragnhild H. Skahjem

640_Nr2_damekl_HildeFenne_fotoRagnhild

Hilde Fenne frå Voss som vart  nr. 2 i dameklassa. Foto Ragnhild H. Skahjem

640_AnnaMargrethe_FotoRagnhild

Anna Margrethe Tråve, Lærdal IL vann kl. 55-59år og vart nr. 4 totalt av alle damer med tida 35,09. Foto Ragnhild H. Skahjem

640_Merete_JannOlav_Kjell_Foto_ChristianPrestegaard

Foto Christian Prestegård.   Merete Helgheim "omkransa" av Jann Olav Tjønneland, Viksdalen ( kl. 35-39år) til venstre og Kjell Mundal, Jølster IL ( Kl. 45-49år) til høgre. Mundal og Tjønneland er blant dei mest aktive motbakkeløparane i landet og som oftast på toppen av resultatlista i sine klassar. I år har Mundal imponert med særs gode tider og klare sigrar i si klasse. I Rimstigen Opp vann han klasse 45-49 år på tida 28,40 medan Tjønneland fekk sluttida 29,02.

640_Tistel_Mundal_FotoArr

Joar Tistel, Vik, (57) gjorde "comeback" som motbakkeløpar etter fleire års "pause". Tistel var med i starten av motbakkeløpbølja i Fanaråken Opp www.fanaraaken.com og Skåla Opp www.skaala.no i 2002-2005. Tistel som tidlegare satsa på Skiskyting har vore ein topp multisportutøver med m.a. totalsiger i Superbirken. Bakerst i denne trioen er Kjell Mundal, Jølster IL. Foto Ragnhild H. Skahjem

640_Une_nr1_12_14_fotoRagnhild

Une Kvelvane, Bjørgum IL, vann klasse 12-14år på 36,25. Foto Ragnhild H. Skahjem

640_Skjalg_FotoRagnhild

Skjalg Duesund, IF Klypetussen fekk særs tøff konkurranse i kl. 60-64år og vart nr. 2 med tida 36,40. Foto Ragnhild H. Skahjem

640_Dee_og_Audil_FotoRagnhild

Dee Cunningham, IL Modig og Audil Kvåle, Mattilsynet Hordaland. Foto Ragnhild H. Skahjem.

640_Naeroyfjorden

Utsyn utover Nærøyfjorden frå Rimstigen. Foto Arrangør

640_OrdforarEllingsen_DagLindebjerg_FotoChristian_Prestegaard

Foto Christian Prestegård.  Etter premieutdelinga hadde Indre Sogn Kystlag dåpsseremoni for den nye Sognebåten sin som me ser bak ordførar Olav Ellingsen og Dag Lindebjerg. Då er det berre å setje seg i robåten og ro ut Nærøyfjorden og inn Lustrafjorden til endestasjonen Skjolden for verdas lengste fjord Sognefjorden. Der går Buff Fanaråken Opp 6. august www.fanaraaken.com