Praktfulle Lindås på 2. juledag!

style="text-align: justify">Kjersti Karoline Danielsen og Øystein Sylta kom saman over mål som vinnar av henholdsvis dame og herreklassen. Ikkje heilt vanleg, men gjer vel at sigeren kjem i historiebøkene som nett det - uvanleg siger i 2010. Tida vart 15.03 på begge. Gledeleg gjennsyn med Øystein Sylta etter ein operasjon. Skade som gjorde at han måtte bryta maraton under EM. - ...ei grei gjennomkøyring", uttalte han til avisa Nordhordland.

Bildet: Samboerparet Kjersti Karoline Danielsen og Øystein Sylta "delte" seieren i Romjulsløpet

Løpet gjekk for 25. gong under dyktig leiing av Atle Rød og hans gode medhjelparar.

Noko anna som og var uvanleg, var veret. 10-11 minus, vindstille, strålande sol frå skyfri himmel og mykje rein, kvit snø. Slikt ser ein til vanleg berre på postkort så nære Golfstraumen.

Underteikna har vore med ein gong før - for mange år sidan, og då løp me i høg snø. No var det godt brøytt og godt merka. Løypa er 3.83 km og går i Lindås sentrum. Veldig variert med flater og bakker både opp og ned. Start og mål på skuleplassen. I alt 88 deltok (og det utan å vera på terminlista i Kondis)! 26 sprang på tid.

Berre kr 50 i startpengar, og bra premiebord, og varm gløgg i gymsalen etter løpet. Og ein enkel, men hyggeleg atmosfære.

Takk til avisa Nordhordland og Randi Bjørlo for lån av bileta.

Tre raskaste kvinner:

1. Kjersti Karoline Danielsen 15.03
2. Maria Holmås 16.24
3. Marianne Ervik 18.56

Tre raskaste menn:
1. Øystein Sylta 15.03
2. Jon Harald Nævdal 16.00
3. Arild Austrheim 16.17

Alle resultater:

Elin og Inger Hageberg


Med bikkja på romjulstur