Sabbaløpet i Vedavågen har mange tradisjonar. 8.3 km i bakke opp og bakke ned. Barneløp og gratis reker inkludert i startpengane. I tillegg går løpet alltid 1. mai.
Éin ting er i alle høve ikkje tradisjon. Knallsterk vårsol, vindstille (nesten), og blå himmel. Så om fleire kom som Kondis sin representant ved dette høvet - nesten utan trening - så var det likevel ein fryd å få oppleva dette.
Hanne Steinstø og Thomas Finshus raskast
Svingar og bakke opp og bakke ned heile tida. I tillegg var det og vekslande underlag. Grusbane, skogssti og asfalt gjorde dette ekstra krevande.
Beste jente, Hanne Steinstø, hadde 33.48 i denne tøffe traséen. Dette er ein god prestasjon. Nr 2 var Anne Sofie Førre med 36.41 og Jorunn Hagesæter nr 3 rett bak på 36.47.
Thomas Finshus vinn mange lokale løp i Sunnhordland og Nord-rogaland. Denne gongen fekk han ein ekstra fin skalp i beltet. Han slo nemleg andremann - ikkje ukjende Karl Johan Rasmussen med 35 sekund. Tidene 27.41 og 28.16 viser at begge er i god form. På 3. plass kom Korfini Irek med tida 29.03.
De beste i herreklassen:
1. Thomas Finhus tid: 27:41
2. Karl Johan Rasmussen tid: 28:16
3. Korfini Irek tid: 29:03
1. Hanne Steinstø tid: 33:47
2. Anne Sofie Førre tid: 36:40
3. Jorunn Hagesæther tid: 36:46
Deltakarar i 2012
Sabbaløpet (hovedløpet) fikk 113 påmeldte.
Minisabben (6-12 år) fikk 170 påmeldte.
Ruslesabben (spasèrløypa) fikk 42 påmeldte.
Skjalg Duesund - godt løp med armen i fatle
Veteranen Skjalg Duesund i klasse 60 - 64 år kom på 18. plass med tida 34.06. Han vart nyleg operert i skuldera og sprang med armen i fatle. "Ja, men eg spring no med beina" uttalte han då han vart spurt om denne prestasjonen.
Utan flinke arrangørar stoppar Idretts-Noreg
Kondis har påpeikt dette mange gonger, men nye lesarar kjem til, og det er viktig å bli mint på at det er mange, mange dugnadstimar bak vellukka arrangement (av og til bak mislukka arrangement også).
I ettertid ser ein kanskje nokon gonger at ting kan forbetrast, eller gjerast annleis. Men Sabbaløpet 1. mai i Vedavågen på Karmøy, kan arrangøren vera stolt av!
Alle resultater: Sabbaloepet_2012_res.pdf
Fleire bilete vil koma etterkvart.
Turgåarar i hopetal hadde gjennomført i god tid, slik at dei kunne vera godt publikum. Foto: Gisle Sellevold
Mykje publikum og enno fleire ungar. Foto: Gisle Sellevold
Glade ungar strøymer på. Lovar godt for framtida. Foto: Gisle Sellevold
Mange fleire i startfeltet enn i fjor. Foto: Gisle Sellevold
Oddgeir(167), Edvin(227) bak og Arne og Fredrik framme. Alle fullførte i fin stil. Foto: Gisle Sellevold
Karl Johan Rasmussen, Bodil Melkevik, Arne innbjo og Sverre Aksland. Gode og trufaste deltakarar. Foto: Sellevold
"Mitt siste løp", sa Oddvar Hausken. Men det nekter Kondis å tru på, eller rettare sagt - han trengs i miljøet. Foto: Sellevold