Robert Sørli gjorde unna mila på 33.02 medan kjærasten brukte ti minutt meir. Cathrin har sliti litt med ein hofteskade i det siste, men vann med god margin sjølv om ho ikkje er i sin beste form.

På halvmaraton sprang Tom Roger Tangen svært bra og vann på tida 1.14.37. Det var han positivt overraska over sidan han har sykla mykje i det siste:

- Tida var litt svakare enn i fjor, men eg er eigentleg godt nøgd. Etter Vefsntråkket sist helg var eg stokk stiv i mange dagar, og eg har berre drivi restitusjon den siste veka. Difor var det artig å få til ei såpass god tid, uttalte Tangen til Helgeland Arbeiderblad etter løpet.

Kvinner halvmaraton hadde berre to deltakarar, og raskast var Ann Sissel Vehus frå Vinne i Verdal som sprang på 1.33.39. På heilmaraton var kvinneklassen tom for folk, men på herresida fullførte seks mann, og først i mål var ultraspesialist Eiolf Eivindsen på 2.55.56.

Alle resultat

Reportasje i Helgeland Arbeiderblad
Tunge skyer over starten
10 km-feltet har nettopp starta. Kvinnevinnar Cathrin Gärtner ligg midt i feltet med startnummer 229. (Foto: Per Vikan)
Sol over blomsterenga og Robert Sørli
Men etter kvart fekk sola overtaket. Den vakre naturen inspirerte Robert Sørli til å halde god fart trass i at konkurrentane låg eit godt stykke bak. (Foto: Per Vikan)