Toppbiletet: Bjørn Kjetil Sørvik (med dotter), Bremnes Seashore, og Maryna Novik, IF Klypetussen vann "Osnes Rundt" 2014.  Foto: Kondis
 

Maryna Novik vann for fjerde gong
Denne gongen trengte ikkje Maryna anstrenga seg altfor mykje. Det var bra, for ho fortalte Kondis før start at ho brygga på ein forkjølelse. 13 varmegradar og mykje regn før start ga dammar i løypa, men likevel gode løpstilhøve. 

Bjørn Kjetil Sørvik vann for fyrste gong,
men fekk kamp til mål av  det 13-årige talentet Matias Berge frå Ølen. Berge var berre fire sekund bak. 32.15 på fyrstemann, og då 32.19 på Matias. 

Thomas Finshus måtte bryta.
Her må nemnast at Thomas Finshus var med og leia heilt til han fekk trøbbel med akillesane og måtte kasta inn handkle. Kondis vonar han snart vert frisk att. Han er ein markant løpar på Haugalandet og i Sunnhordland.

Berre 16 sprang ut i hovudfeltet
Dette er trist, fordi som me skreiv i ingressen, så har løpet potensiale. Neste år er det 30. gong. Alle jubileer gir høve til å samla fleire folk. Her kan Etne IL og Osnes Rundt læra av Sluseløpet ikkje langt frå Etne. PR i god tid og klar alt i oktober. Det er same arbeidet. Meir PR i god tid, kostar litt ekstra, men gjev auka inntekter, og auka entusiasme når deltakartalet skyt i veret.

Hyggeleg gjensyn med Arne og Gunnhild
Gunnhild Haukeland og Arne Innbjo har vore trufaste gjestar på "Osnes Rundt". Arne fekk utmerking for si 25. deltaking etter årets løp.. Desse veteranane er gode representantar for Haugesund IL. Gunnhild pluss Kondis sin representant i Sunnhordland starta på tidleg start, og kjem i tillegg til dei 16 som starta i hovudfeltet.

Det gjer også Skjalg Duesund. Han kom seg i gjennom Etne Duathlon tidleg i august med lett hjarteinfarkt - med påfølgande helikopter-transport til Stavanger regionsjukehus. No tok han det roleg, men likevel på respektable 42.23. 

21 ungar sprang miniløp utan tidtaking, og om lag 55 gjekk tur. Totalt 95 deltakarar.

Resultatar etter siste bilete.
Alle foto:Kondis


Startbilde2_IMG_0975.jpg
Hovedfeltet klare til start. Thomas Finshus nr 13! måtte bryta på grunn av akillestrøbbel.   

Etter_start_de_foerste_IMG_0985.jpgMatias Berge (nr 15) føre vinnaren, Bjørn Kjetil Sørvik (nr 8) og Ørjan Løhaugen nr 7.

Etter_start_IMG_0990.jpgPetra og Anita heier på mamma Maryna, som vann kvinneklassen, ut av Etne stadion. Nr 5 Peter Øren kom på 3. plass i løpet. Maryna Novik i rosa.

Hovedvegen_11_5_17_IMG_1035.jpg
Kirsten Lien nr 11 vart nr to i dameklassen etter nok eit godt løp. Nr 5 Petter Øren kom også på pallen med 3. plass i herreklassen. Nr 17 Mariann Vevatne gjorde også eit godt løp og vart nr 3 i kvinneklassen. Her har dei nett passert 1 km.

Hovedvegen_Nr3_IMG_1045.jpg
Stig Morten Sørheim er kjend lydmann i ABC studio i Etne. Har mange kjende produksjonar bak seg. No dukka han opp "frå intet", og viste at han også er ein habil løpar. 

Barneloepet_IMG_1062.jpg21 born og 21 vinnarar i barneløpet.

Resultater:
Kvinner:
1. Maryna Novik                    IF Klypetussen        33.26
2. Kirsten Lien                    Røldal IL             35.10
3. Mariann Vevatne                 Etne IL               37.49
4. Solgunn Vaa                     Etne IL               39.24
5. Inga Wangensteen                Etne IL               41.01
6. Gunnhild Haukeland              Haugesund IL          70.00


Menn:
1.   Bjørn Kjetil Sørvik           Bremnes Seashore      32.15
2.   Matias Berge                  Stegaberg IL          32.19
3.   Peter Øren                    Etne IL               34.13
4.   Ørjan Løhaugen                IF Klypetussen        35.06 
5.   Stig Morten Sørheim           Etne IL               36.29
6.   Jon Oddvin Moe                Etne IL               36.48
7.   Stein Olav Ølvestveit                               40.39
8.   Harald Måge                   IF Klypetussen        40.41
9.   Skjalg Duesund                IF Klypetussen        42.23
10.  Gunvald Gundersen             IF Klypetussen        42.44
11.  Andreas Ølvestveit                                  51.07
12.  Gisle Sellevold               IF Klypetussen        53.30
     Thomas Finshus                Stegaberg IL          Brote