| Langt vanskelegare er det å spå kven som vil ta dei to siste medaljane. Kirsten Melkevik Otterbu bør ha gode sjansar til å kopiere sølvet frå i fjor, men maratonløparen vil venteleg få sterk konkurranse frå kjappare jenter som Ingvill Måkestad, Hanne Lyngstad og Ragnhild Kvarberg. Sistnemnde har rett nok sliti mykje med sjukdom i vinter og terreng-NM kjem nok i tidlegaste laget for jenta som vann terreng-NM på Kalvøya for to år sidan og på Osterøy for fire år sidan. Ei anna Vidar-jente, Runa Bostad, ville òg normalt vori medaljekandidat, men ho stiller ikkje på grunn av ein skade i hælen og må overlate ansvaret til dei ni andre klubbvenninnene. Sia NM terrengløp for mange er den første konkurransen for sesongen, vil det vera rom for mange overraskingar. Men om nokon skulle springe frå Susanne Wigene, ville det vera ei oddsbombe av dei sjeldne. Gledeleg er det å registrere at nærare 30 jenter - og så å seie alle dei beste - er påmeldt.
Kvinner junior I juniorklassen peikar det seg ut eit par-tre medaljekandidatar. Etter triumfane i innandørs-NM må Kristine Eikrem Engeset finne seg i å vera gullfavoritt, men ho skal passe godt på Karoline Bjerkeli Grøvdal som er ein sluggar i terrengløp, og som i fjor haust tok sølvmedalje i nordisk meisterskap i terrengløp. Synd at ikkje gullvinnaren derifrå, Ingunn Opsal, er med no. Miriam Berg Hovda har òg vist god form i vinter og kan kapre ein medalje. Heimefavoritten Martine Eikemo Borge blir det òg spennande å følgje. Bergens-jenta har farta som skal til for å springe ein god 2 kilometer. Heller ikkje Silje Fjørtoft frå Ørsta skal ein avskrive som medaljekandidat. I fjor sprang ho omtrent likt med Kristine Eikrem Engeset, men så langt har det ikkje sett ut som ho har hatt den same framgangen gjennom vinteren. Alt i alt er 14 juniorjenter påmeldt. Heile 11 av dei kjem frå Vestlandet.
Det er òg lagt inn veteranmeisterskap, men dette blir litt parodisk både fordi deltakinga er skral og fordi løparane må velje om dei vil springe i senior- eller i veteranklassen. Dermed vil det truleg bli utdelt gullmedaljar til løparar som i samløp er vorti fråsprungi av like gamle konkurrentar. Slik mister medaljane sin verdi, og heile veteranmeisterskapen blir devaluert. Heimesida til NM terrengløp Reportasje på kondis.no frå NM terrengløp kort løype i fjor Prognose for helgeværet i Bergen i Bergens Tidende |
NM terrengløp - berre ein stor favoritt i kvinneklassen
Susanne Wigene er stor favoritt til å ta gullet når 28 jenter stiller til start for å springe 2 km terreng i Bergen på laurdag. Sjølv om distansen er i kortaste laget for Tjalve-løparen, så skal det svært mykje til for at ho ikkje forsvarar fjorårssigeren. Da vann ho med sju sekunds forsprang til Kirsten Melkevik Otterbu.
Siste medlemssaker
Annonse