Nye løyperekordar i kongevegløpet Galdane Rundt

Laurdag 24 oktober arrangerte Friidrettsgruppa i Lærdal terrengløp i Lærdal. Galdane Rundt er eit 8,7 km kupert rundløype som går langs Lærdalselva forbi den gamle husmannsplassen Galdane. Start og mål er ved rasteplassen Koret og løypa går på historisk grunn. I år feira kongevegen over Filefjell 222 års jubileum  og vegen er nyrydda av sherpaar dei siste åra. Ny bru i gamal stil vart flogen på plass mandagen før og terrengløpet er av arrangørane og deltakarane rekna som Norges finaste terrengløp.

(Arrangørfoto frå starten).
 

I og med det var kongevegløp vart det og delt ut kongepokal til beste dame og herre. I år vart Galdane Rundt arrangert for tredje gong og det var løyperekord i dameklassa ved Ingvild Vedde frå Nesbyen som no representerer IL Tjalve med den knallgode tida  39:56.

Ingvild Vedde (arrangørfoto).

I herreklassa vart det og ny løyperekord sett av jølstringen  Eivind Øygard med tida 31:10. Han slo rekorden til Thorbjørn Thorsen Ludvigsen  frå i fjor  med 1,5 minutt. Eivind var 7 sekund føre Rune Opem frå IL Dalebrand. Nr 3 vart Sondre Øvre –Helland frå TIF Viking med tida 34:13. 

Eivind Øygard (arrangørfoto).

Alle resultater (EQ Timing)

Ny deltakarrekord
91 stilte til start i konkurranseklassa og 140 mosjonistar gjekk Galdane Rundt i flott haustvær. Også deltakartalet i konkurranse- og mosjon var ny rekord.  Det var mange langvegsfarande på Galdane Rundt, bl.a Team Melkesyre frå Varegg stillte med ein heil gjeng og laga som alltid stor stemning,  Gubbetrimmen i Jølster hadde sesongavslutning og sesongstart med Galdane Rundt. Elles var det lokale løparar frå Lærdal og nabobygdene.

Det var eit yrande folkeliv og stor stemning  under arrangementet og nivået blant deltakarane var høgt samtidig som det var rom og plass for dei som ville springe for å ta sin eigen pers. Arrangørane er kjempefornøgde med arrangementet og lovar uti frå alle positive tilbakemeldingane vert det eit Galdane Rundt neste år og.
 

Fleire bilder frå Galdane Rundt i Lærdal
Arrangørfoto - frå Bjørghild Holien

Frå starten...

Rune Opem

Roy Olsen

Bjarne Ludvigsen

Bjørn Arild Grindhaug

Nils Solheim og ?? (79 med startnr til Anna Tråve)

Arild Orvedal

Humørspreiar Ludvigsen

Arrangører må til...

Frå premieutdelinga; Bjørghild Holien, leiar i friidrettsgruppa i Lærdal IL, gratulerar Eivind Øygard med sigeren. Til høgre; Anna Tråv, vinnar i K60-64.