Annonse

Silje Fjørtoft knuste konkurrentane i Conferense USA Championship

Silje Fjørtoft (biletet) , SK Vidar/SMU, tok ein overlegen siger under C-USA Chamionship i Memphis, Tennesee laurdag 1. november. 12 universitet i 1. divisjon frå 8 statar i USA stilte med sine beste lag i det 5 km lange terrengløpet. Silje tok teten frå start og auka leiinga utgjennom løpet. Monika Kørra Ren-Eng/SMU tok ein super tiandeplass.

Publisert 03. november 2008 av Runar Gilberg

Artikkelen fortsetter under annonsen

IDRETT/Møre og Romsdal


	SMU-laget jublar for sigeren. Monika Kørra er nummer to og Silje Fjørtoft nummer fire frå venstre.

Av Lill Sørensen:

Silje Fjørtoft vann på 16.46 i den heller tunge løypa med kuperte partiar. Det var ny meisterskapsrekord, og den gamle hadde for øvrig Hanne Lyngstad. Avstanden ned til Alex Becker frå Tulsa på andreplass var på 17 sekund. Tida til Monika Kørra var 17.39, og ho var tredje beste SMU-løpar. I alt deltok 82 løparar.

Både Monika og Silje har gjort ein strålande innsats for universitetet sitt. Laget til Silje på Southern Methodist University, The Mustangs, vann også lagkampen! Trenar Cathy Casey blei kåra til årets trenar i Conference USA, så det var full klaff for jentene frå Dallas, Texas. Dette var The Mustangs fyrste lagseiger i Conference USA sidan 2004 i Western Athletic Conference.

Neste løp går 15. november i Waco, Texas. Det er den regionale meisterskapen, og totalt er USA delt inn i 9 regionar. Stemnet er kvalifiseringsløp til den amerikanske studentmeisterskapen i terrengløp som går 24. november i Terra Haute, Indiana.


Resultat 5 km terrengløp 
1. Silje Fjortoft, SMU       16:46
2. Alex Becker, Tulsa        17:03
3. Nicole Mericle, Rice      17:08
4. Lennie Waite, Rice        17:18
5. Allison Pye, Rice         17:21
6. Rachael Forish, SMU       17:24
7. Happy Mary Bacia, UTEP    17:26
8. Katie Wright, Tulsa       17:29
9. Stephanie Aldea, Houston  17:38
10.Monika Korra, SMU         17:39

Reportasje med resultat hos SMU

Del artikkelen