Sola kasta glans over Nordmarktraver'n

Løparane stråla om kapp med sola etter kvart som dei tok seg til mål i Mini- og Nordmarkstraver'n 25. september. Ein av dei som var aller gladast var Åsmund Morgestad som vann den lengste distansen på sterke 1.54.08.

Åsmund Morgestad vann òg for to år sia, men forbetra tida si med mest åtte minutt. No vart ein så sterk løpar som Carlos Silva de Brito fråsprungi med sju minutt. Den store skilnaden mellom dei to var på stipartia der Åsmund var den som meistra det ujamne underlaget klart best.

I dameklassen vart det eit spennande oppgjer mellom dei to Vidar-jentene Kjersti Karoline Danielsen og Jessica Gunnarsson. Jessica leia heilt til berre 400 m stod att, men da kom Kjersti som hadde opna forsiktig, forbi. Akkurat som herrevinnaren hadde Kjersti sin styrke på dei kronglute stiane.

På Minitraver'n var Vidar-dominansen omtrent total. Jentene vann tredobbelt, og i herreklassen vart det dobbelt Vidar. Svein Inge Buhaug gjorde eit fint løp og viste at opptreninga etter akillesskaden har gått bra. Runa Bostad kopirete sigeren frå i fjor, men forbetra tida si med 46 sekund.


RESULTAT FOR DEI FEM BESTE
   
Minitraver'n kvinner
1. Runa Bostad, Vidar                  24.48
2. Sofie van der Vlist Spiten, Vidar   26.49
3. Marianne  Garmann Eide, Vidar       27.22
4. Ingvild Aas,                        29.05
5. Therese Sjursen, Vidar              29.39
  
Minitraver'n menn
1. Svein Inge Buhaug, Vidar            22.39
2. Tesfaye Bekele, Vidar               23.54
3. Trygve Reitan, Bøler                24.00
4. Andre Hammerø, Kristiansand         24.03
5. Glenn Edvardsen, Nittedal           24.48
  
Nordmarkstraver'n kvinner
1. Kjersti Karoline Danielsen, Vidar 2.26.41
2. Jessica Gunnarsson, Vidar         2.26.44
3. Anne Jorunn Hodne, OSI            2.31.17
4. Elin Mellemstrand, Vidar          2.37.43
5. Siri Halle, Lyn                   2.38.14
  
Nordmarkstraver'n menn
1. Åsmund Morgestad, Ren-Eng         1.54.08
2. Carlos Silva de Brito, Ogndal     2.01.07
3. Geir Skari, Totenkølla Ski & Ball 2.04.05
4  Lars Bjarne Reed, Bærum skiklubb  2.06.39
5. Ragnvald Reed, Milsluker'n Sport  2.06.40