Vinterkarusell Strandebarm

6. løpet i Vinterkarusellen vart arrangert i skikkeleg vintervèr. Det kom fyrst litt snø tidlegare på dagen. So var det opplett medan løpet føregjekk. So kom det litt meir snø etter at løparane kom i mål.

 

John Olav Måge var inn i Case`n med strøapparat og strødde fint tidlegare på dagen. Dette hjelpte mykje på i området ved banen. Mem på noko var det hard is, som ikkje sanden batt seg fast i. Men stort sett gjekk det greitt. På riksvegen var det svært fine forhold, for det var det salta.

 

Det var ein god gjeng som la avgarde klokka sju. Kjappast blant damene var Frida Berge føre Torild Kveberg, Annhild Oma, Turid Lid og Monica Skogvoll. Blant mennene var Bjørnar Sandnes Lillefosse snarast framfor Ove Måge, nemnde John Olav Måge og Lars Måge. Mange oppnådde fine tider, sjølv på det noko vanskelege føret. Alle hadde ei fin trimstund i lag med andre.

 

Hovudpremien på gåvekort på 500,- kroner ved Mo Sport i Norheimsund vart vunnen av Bjørnars mor; Bente Sandnes Lillefosse. Familien Lammedal vann òg to premiar ved Mette (trimpose a la Kjelsvik med XL-1, energisjokolade, drikkeflaske m.m), og sonen Jørgen som vann Vinterkarusell t-skjorte. I tillegg var det ein energipose til som vart trekt på startnummer.

 

Dette var det 6. løpet i årets karusell. No gjenstår det to løp til. For å gjennomføra karusellen må ein ha delteke på minst fem løp. Då får ein deltakarmedalje, og ein vert med i trekninga på hovudpremien som er eit gåvekort på kr, 1500,- på Mo Sport. Neste løp vert tysdag 16. februar kl 19 ved strandebarm Idrettspark.