Bratt og vakkert i Flækøyhøe Upp

Løypa i Flækøyhøe Upp er 3,9 km lang og har 700 høgdemeter, med målgang på 1100 moh får ein virkeleg panoramautsikt over heile bygda. Det går relativt flatt på asfalt og grus den fyrste kilometeren, etter det går ferden oppover lia på ein svært fin barnålssti heilt til du kjem deg opp over tregrensa.

Fyrst ut var trimklassa med totalt 24 påmeldte. Trimklassa bestemmer sjølve når dei startar mellom klokka 08.00 og 10.00, og for dei som ynskjer det er det fellesstart kl 10.00. Trimklassa passar for alle uansett alder og kondis, så lenge ein vil pushe seg litt.

Det var forskjell på kor behageleg folk hadde det oppover lia, men alle kom seg opp. Yngste deltakar som gjekk heilt opp var berre seks år. Imponerande.

Klokka elleve var det klart for konkurranseklassa med 21 påmeldt. Raskaste dame i år vart Ella Soglo frå Skjåk med 41.34 og raskaste kar vart Geir Steig frå Luster med 32.18. Andre og tredje plass dame vart Ragnhild Taraldsrud og Live Sulheim Viken. Andre og tredje plass kar vart Simen Teigum Slettede og Thomas Øyberg.

Også i år vart Flækøyhøe Upp arrangert samtidig med Ståk i Skjåk, så under premieutdelinga blir det ekstra mange tilskodarar med alle som går rundt og ser i salgsbodenene. Med scene plassert i ein lastebil vart det ei perfekt avrunding av ein flott løpsdag!

Resultat på EQtiming

Resultat Flækøyhøe Upp 2025