|  | |
| Dagens totalvinnar Henry Kiplagat, Kenya og SK Vidar sette ein løyperekord på 51.14 som skal bli tøff å slå under neste års NM i motbakkeløp i Lønahorgi Opp. Foto Christian Prestegård |
|
|
|
Klassevis resultatliste .
Merk at Jenter og Gutar kl. 12-17 år sprang ei kortare løype med start frå Bavallstunet.Denne løypa vart omlag 6 km med nesten 800 m stigning.
Raskaste tid i denne løypa hadde Sivert Vonen, GIF, Kl. 12-15 år med 39.30
Raskast i jenteklassa var Anvor Teigen Nestås og Hege Djukastein , begge Bulken IL, som løp likt over mål på 56.42.
Meir info om løpet og løypetraseane finn du på www.vossoppturar.no
Sjå også førehandsomtale på kondis.no |
|  | |
| Nr. 2 L-Luid Kirui, Kenya og SK Vidar. Foto Christian Prestegård |
|
|  | |
| Merete Helgheim, Gloppen, vann dameklassa på 1.06.53. Foto Christian Prestegård |
|
|  | |
| Therese Sjursen (til vestre ) vart nr. 2 i dameklass og Mai Britt Buer nr. 3. Forrige helg vann Mai Britt NM-gull i motbakkeløp. Foto Christian Prestegård |
|
|  | |
| Terje Aggvin , Gular, beste nordmann på 5 pl. Foto Christian Prestegård |
|
|  | |
| Kristen Skjeldal, Bulken IL, vart nr 2 av dei norske. Foto Christian Prestegård |
|
|  | |
| Oddmund Roaldkvam, Stord IL er blitt 51 år, men der har ikkje alderstillegget hatt nokon særleg påverknad på prestasjonsnivået. Oddmund som m.a. har sprunge maraton på 2.13 løp Lønahorgi Opp på den sterke tida 56.18. Det er imponerande av ein 51-åring og ville truleg ha sikra han VM-gull i forrige års veteranVM. Foto Christian Prestegård |
|
|  | |
| Joel Dyrhovden, Samnanger IL, vann i 2007 og 2008 junior-NM i motbakkeløp.
Han vart nr. 10 individuelt i JuniorVM og fekk VM-sølv i lagkonkurransen i 2008. I år er Joel 1. års senior og blei nok overraska over å bli slegen av av 51 åring med 1 min og 29 sek. Foto Christian Prestegård |
|
|  | |
| Mål er lagt til Kvilehytta 1100 moh for å ha ei løype som oppfyller alle løypekrav til EM og VM i motbakkeløp. Sjå meir om dette i førehandsomtalen på KOndis.no 17. juni. Foto Christian Prestegård |
|
|  | |
| Asbjørn Berland ( kl. 18-19 år) er ein flott representant for nyrekrutteringa til motbakkeløpinga. Asbjørn gjorde eit godt løp på tida 59.38, men hadde to konkurrentar frå Kenya i klassa si og fekk ei påminning om kva som krevst for å nå heilt til topps internasjonalt. Foto Christian Prestegård |
|
|  | |
| Hege Djukastein og Anvor Teigen Nestås (88), begge i kl. 12-15 år og frå Bulken IL, løp likt i mål som raskaste jenter i den korte løypa. Foto Chr Prestegaard |
|
|  | |
| Marit Seim, Voss Il, vann kl. 45-49 og var fjerde raskaste kvinne. Her er ho omlag 500 m før mål der bagasjebilen måtte stoppe pga. uvanleg mykje snø. Deltakarane måtte springe omlag 75 meter i snø. Ein svært kjølig juni månad har teke godt vare på snøen i fjellet. Foto Chr Prestegård |
|
|  | |
| Anders Inge Hundere , Lærdal IL, vart nr. 2 i kl. 55-59 på 1.12.02. |
|
|  | |
| Bård Lyngnes som er frå Voss har dei siste 6 åra budd og jobba i London. No tok han turen til heimbygda for å bli med på den nasjonale motbakkeløpbølgja. Bård som enno er i kl. 35-39 år var tidlegare ein særs habil langdistanseløpar med tider på 31 blank på 10km. No fekk han ei påminning av Oddmund Roaldkvam om at alder er inga hindring og kanskje ser me eit comeback av Bård i neste års NM i motbakkeløp i Lønahorgi Opp.... I år vart tida 1.14.38. Bård treng ikkje mange joggeturar i Hyde Park for å forbetre den tida til neste år. Foto Christian Prestegård |
|
|  | |
| Alan Lathman , Higbury , tok turen frå London saman med Bård Lyngnes. Alan fekk ein flott opptur med alle årstidene. Dette gav mersmak ! Foto Christian Prestegård
|
|
|  | |
| Jan Olav Tjønneland, Viksdalen IL vart nr. 3 i kl. 35-39 år på 1.08.21 |
|
|  | |
| Leif B. Grindedal, Feios IL, (kl. 20-34 år) sprang på 1.01.53. Grindedal er dessutan ein av mange initiativtakarar til flotte motbakkeløp dei siste åra og minna meg på at eg no må ta turen til Vidasete Opp i Feios 4. juli. Foto Christian Prestegård
|
|
|  | |
| Allan Bohsen frå Danmark representere i Noreg Asker Skiklubb. Allan møtte eg i fjor i Fanaråken Opp. Den oppturen til 2.068 moh var ikkje nok for denne dansken som ville ha med seg ein 2000-meter topp til. Han sprang likegodt fleire hundre høgdemeter rett ned den stupbratte nord-vest sida av Fanaråken ( risikosport !) og sprang og klatra deretter opp på Steindalsnosi og returnerte til Fanaråken ved midnatt for å overnatte på Nord-Europas høgastliggjande turisthytte. Foto Christian Prestegård |
|
|  | |
| Guro Tveito frå Voss IL som vann kl. 18-19 år skal få avlutte denne bildereportasjen med ei oppfordring om at ho tek med seg heile bygda til neste års Lønahorgi Opp. Kor er alle trimmarane på Voss ? Om vi samanliknar med andre motbakkeløp som får 90 deltakarar i konkurranseklassa så har dei gjerne fleire hundre deltakarar i trimklassa som har gått opp fyrst for å lage ei praktfull stemning i reine Tour de France-stil når konkurranseløparane kjem stormande i mål ! Berre nokre mil unna i Ulvik i Hardanger fekk Johan Børsheim og Co i fjor over 250 trimmarar til topps i premiereløpet Kvasshovden Opp før dei 100 konkurranseløparane kom stormande i mål.
På Voss var det i dag kun 40 trimmarar.
Det samla deltakartalet vart 130.
Neste år bli nok dette talet mangedobbla. Arrangøren fekk berre positive tilbakemeldingar frå deltakarane på både løypetraseen og arrangementet totalt sett. Dette er ei løype som har eit stort potensiale også som arena for EM og VM i motbakkeløp. Foto Christian Prestegård |
|
|
|
