For åttande gong er det klart for Mefjellet opp, i år er dagen søndag 20. juli.
Mefjellet opp er om lag 7 km langt og har ein høgdeskilnad frå 1100 meter. Terreng og underlag er variert og set krav til deltakarane. Løypa er likevel slik at den som er i god form utan vanskar kan springe heile distansen. Det er ingen vanskelege parti under vegs. Etter ein nedgang i deltakartalet i fjor, håper arrangøren Valldal Idrettslag, på rundt 200 deltakarar i år
Løyperekordane har Anita Håkenstad Evertsen i dameklassa med 51,21, medan Johan Bugge har beste tid i herreklassa med 44,45. Dette er sterke tider og dei som skal slå desse skal både vere i god form og ha ein god dag. Johan Bugge stiller til start i år også, han er akkurat komen tilbake frå EM i motbakkeløp i Bulgaria. Der vart han nr 17 og beste norske
For dei som vil ta det litt rolegare på turen er det muleg å stille i mosjonsklasse utan tidtaking. Deltakarar i denne klassa kan starte på kaia heilt nede ved sjøen eller som alternativ på Hauge. Då vert distansen om lag 4 km.
Det er særskild premiering til dei 3 beste i dame- og herreklassa i tillegg til klassevis premiering. Alle deltakarar får medalje på toppen. I mosjonsklassa er det uttrekkspremiar. Ein weekend for to personar på Union Hotell i Geiranger vert trekt mellom alle deltakarar i mosjon- og konkurranseklassa.
Kondis vil vere tilstade for å dekke arrangementet
Les reportasje med resultat frå Mefjellet Opp 2013
Sjå Mefjellet Opp på terminlisten
Sjå vermeldinga for Mefjellet på yr.no
Johan Bugge er "Kongen" av Mefjellet Opp. Han har løyperekorden og han har vunne dei siste åra. Johan har og sagt at av alle motbakkeløpa er det Mefjellet Opp som passer han best (foto: arrangør)
Vi tar og med med eit bilde av mannen som blei nummer to i fjor, Rune Malo Ødegård
Meir informasjon på www.mefjelletopp.no
