Pressemelding:

NECON motbakkecup er Norsk Friidretts offisielle norgescup i motbakkeløping, og dei utvalgte løpa i NECON motbakkecup 2012 (som òg inkluderer NM), dannar grunnlaget for uttak til alle dei internasjonale meisterskapa som EM, VM og Grand Prix.

Motbakkeløps-sesongen bankar no på døra, og det har vore hard konkurranse om å arrangera løpa i årets cup. 
- Vi har hatt omlag 20 søkjarar å velja mellom, og vi er svært tilfreds med interessa, seier Jostein Hatteberg, leiar av Motbakkeløpsutvalet i Norsk Friidrett. 

 

Desse løpa er tildelt arrangement i NECON motbakkecup 2012:

Løp nr Dato Løp Distanse Stigning Arrangør Stad
1   12.mai Storehaugen Opp 3,7 km 901 m  / 24,4 % Lærdal IL-friidrett Lærdal, Sogn & Fjordane
2   2.juni Skuggenatten Opp 4,3 km 456 m / 10,6 % Treungen IL Treungen, Telemark
3   10.juni Gullfjellet Opp 8 km 677 m / 8,5 % IL FRI-friidrett Bergen, Hordaland
4   16.juni Molden Opp ca 7 km 1116 m / 15,9 % IL Bjørn Luster, Sogn & Fjordane
5   22.juli Mefjellet Opp 7 km 1095 m /15,6 % Valldal IL Valldal, Møre & Romsdal
6   4.august Saudehornet Opp 6 km 1301m / 21,7 % Ørsta IL Ørsta, Møre & Romsdal
7+NM 12.august Rosendal NutenOpp 3,7 km 890 m / 24,0 % Fjellstreif & RT-friidrett Rosendal, Hordaland

Storehaugen Opp, Skuggenatten Opp, Gullfjellet Opp, Molden Opp og Mefjellet Opp er alle nykommarar på cuplista sidan i fjor, og totalt består NECON motbakkecup 2012 av 7 løp. For kvar utøvar er 6 av desse løpa teljande når sluttstillinga i cupen skal gjerast opp.

Samanlagtvinnarane i NECON motbakkecup konkurrerar elles om ein samla premiepott på 100.000 kroner.

- Vi trur det vil bli mange spennande løp og duellar i årets cup, og deltaking og resultat i NECON motbakkecup vil danna grunnlaget for uttak til VM i motbakkeløp i Temù - Ponte de Legno, Italia 2. september. Dette er nedfelt i toppidrettsutvalget sine "krav og kriteriar" for 2012 (sjå event. lenkje: http://friidrett.forbundetonline.no/idrett/toppidrett2/Documents/Krav%20og%20kriterier%202012%20120221.pdf ).

Motbakkeløping er blitt veldig populært dei siste åra og har i det heile hatt ein voldsom vekst. Som bevegelse er dette den raskast veksande i norsk idrett. Deltakarane konkurrerar både med seg sjølve og konkurrentane. I tillegg får dei med seg fantastiske naturopplevingar. Deltaking i motbakkeløping er rett og slett eit "løft" til betring av den generelle folkehelsa. Dette har mange oppdaga, og vi trur at mange fleire vil bli med på flotte oppturar i 2012.

Ytterlegare info og detaljar om årets NECON motbakkecup vil verta lagt ut på cupen sine nettsider www.motbakkecup.no med det aller fyrste. 
 
Spørsmål rundt NECON motbakkecup 2012, kan rettast til

Jostein Hatteberg (leiar) 
Motbakkeløpsutvalet i Norsk Friidrett
Tel 489 94 213 
rosendal@folgefonn.net 
www. motbakkecup.no

 

Biletet: Fjorårsvinnarane May Britt Buer og Thorbjørn Ludvigsen.