Cupen består av fleire løp (normalt 6-7) gjennom heile sesongen der det vert samanlagtpremiering etter fastsett poengsystem. Det blir pengepremiar etter samanlagtrangering etter alle løpa. Klassane i cupen er junior- (U20) og seniorklasse for kvinner og menn. Norgescuparrangementa inngår i etablerte eksisterande arrangement gjennom heile sesongen. Motbakkeløpsutvalget vil vurdere konkurranseforholda utifrå arrangementets løypetrasè og løypelengde spesielt med tanke på at løp i Norgescupen gjeld som grunnlag for uttak til internasjonale meisterskap i motbakkeløp i 2013.
Storehesten opp blir NM
NM inngår automatisk som løp i Norgescupen, og NM 2013 er tildelt Gaular IL og Storehesten Opp laurdag 29. juni. Såleis er det dei øvrige løpa som skal tildelast NECON Motbakkecup-arrangement i 2013 det blir å søkja om!
Søknaden om tildeling av arrangement må innehalde:
- Beskriving av løypetrase mht. stigning, lengde og løpsunderlag
- Beskriving av arrangement i 2012 inkl deltakartal.
- Beskriving av arrangementserfaring.
- Dato for løpet i 2013.
- Overnattingskapasitet i nærområdet.
- Påmelding og tidtakarsystem ein brukar.
- Kontaktperson med kontaktinformasjon.
- Eventuell link til arrangementet sine nettsider
Krav til arrangør
Arrangørar som blir tildelt NECON Motbakkecup 2013 må signere avtale med Norges Friidrettsforbund der ein bekreftar at ein kan profilere sponsor for cupen og gje denne profilering på arrangementet etter avtale (vanlegvis profilering på web, plaktat, andre trykksaker, o.l.). Sponsor for cupen krev normalt ikkje bransjeeksklusivitet i arrangement som inngår i cupen. Dermed kan arrangøren ha eigne avtalar innan same bransje som sponsor for cupen og likevel søkje Norgescup, men arrangør MÅ kunne profilere cupen sine sponsorar. Det er òg ein forutsetning at arrangementet er i tråd med NFIF sitt regelverk. For å bli vurdert må arrangør vere tilslutta krets og forbund og ha oppfylt sine forpliktingar mht. startavgifter i 2012. Arrangement som blir arrangert midt i veka blir normalt ikkje vurderte for tildeling. Søknad og eventuelle spørsmål om Norges Friidrettsforbunds offisielle Norgescup, NECON Motbakkecup 2013, kan rettast til leiar i motbakkeløpsutvalet.
Søknadsfrist 18. november.
Kontaktinfo: Jostein Hatteberg (leiar) E-post: rosendal@folgefonn.net Telefon: 53 48 15 90 / 489 94 213 Annan kontaktperson: Narve Heggheim e-post: narve.heggheim@friidrett.no Telefon: 57 76 12 22 / 913 14 783
Foto: Oddny Ringheim 2011
Vinnar av Necon Norgescup i motbakkeløp 2012, Thorbjørn Thorsen Ludvigsen, på veg til Storehesten som er mål for NM i 2013.
