THOMAS ALSGAARD kjem!
Sluseløpet går i Skjoldastraumen i Tysvær kommune, ikkje langt frå Haugesund. Løpet går i åttetal, der start og mål er på midten av åttetalet - midt i sluseområdet. Asfalt, grus og litt gras. Litt kupert, men kjem ikkje under karakteristikken krevande.
Thomas mot Thomas
I fjor vann heimefavoritten Thomas Finshus. Han er ein god løpar. Det er også OL-gullvinnar Thomas Alsgaard. Ser ein på det Alsgaard har prestert på bane, så er han i ein heilt annan klasse enn t.d. Dæhlie og Northug. Dei er ikkje dårlege dei heller, berre det at Thomas Alsgaard er så mykje betre - utan ski på beina.
Men no er grunnleggar av Sluseløpet - Thomas Finshus som sagt også ein god løpar, så dette kan bli ein kamp i kampen.
Alsgaard skal også dela ut medaljar til dei små som spring barneløpet 60 minutt før dei vaksne.
11 OL - og VM gull. Ein fantastisk profil og eit hyggeleg menneske. Vil trekka mange, mange ekstra til Sluseløpet.
I dette vakre området i Skjoldastraumen om lag 3 mil frå Haugesund, er start og mål.
Café Velkommen. Ein flott atmosfære i det fyrste SLUSELØPET i fjor.
Premieutdeling med mange folk. Kondis var (sjølvsagt) også representert på debutløpet.
3 raskaste jenter i fjor. Arrangøren satsar på stor jentedeltaking i år.
Løpets grunnleggar - Thomas Finshus øverst på pallen i fyrste sluseløpet.
Ungane er med og likar seg på pallen (..og bak).
