Nuten opp er del av eit større helgearrangementet Rosendal Fjellstreif. Påmelding for "Rosendal" NutenOpp sundag 7. august er no opna: Arrangementet blir i år arrangert som Prøve-NM, og deltakarane har no høve til å prøvespringa løypa, sidan Rosendal NutenOpp i 2012 både er offisielt NM og del av Salomon Motbakkecup.
Arrangementet har, som tidlegare år, svært god premiering både i form av pengepremiar og flotte gåvepremiar. I tillegg har sponsoroen Eramet-group sett opp kr. 5 000.- til beste kvinne- & mannelege deltakar frå Hovalandsnuten Opp i Sauda og Rosendal NutenOpp. Hovlandsnuten opp gjekk 4.juni og vinnarane her var May Britt Buer og Øystein Sylta.
Tradisjonen tru er det gratis T-skjorte til alle. Tradisjonen tru kjem òg dette siste 10-årets beste motbakkeløpar på verdensbasis, Jonathan Craig Wyatt, New Zealand og kona hans Antonella Confortola Wyatt tilbake til Rosendal for femte gong. Antonella tok sist sundag sølv i EM i motbakkeløp i Tyrkia.
Jonathan har elles laga eit treningsprogram for den jamne mosjonisten, som kan nyttast for å komma i best mogeleg motbakkeform til NutenOpp den 7. august.
Påmeldingsskjema og informasjon om det rikhaldige programmet finn du på Fjellstreif.no.
Kondis.no var der i fjor og laga ein stor reportasje. Rosendal er ein grei dagstur frå Bergen og motbakkeløpet passar både for dei raske klatrarane og for familiar og dei som berre vil ha seg ein fin fjelltur.
Foto: Laila Hovland, FjellStreif.
