Kristine Lande Dommersnes med løyperekord i Langs Åkrafjorden

Av reportar Gisle Sellevold

Startfeltet i den 20. utgåva av Langs Åkrafjorden. (Foto: Olav Samland)

Kristine Lande Dommersnes knuste løyperekorden!
Heile 1 minutt og 1 sekund forbetring av ein rekord sett i 2018 av nybakt norsk meister på 10000 m. Dette var verkeleg eit kvalitetsløp i den 20. utgåva av Langs Åkrafjorden. Løypa går på gamlevegen frå Kyrping Kro og Bensinstasjon og til Åkrafjordtunet.. 11 vakre km. Men dei fleste får neppe nyta utsikta, så fort som dei spring.

Marie Kloster frå Skjalg IL sprang også eit veldig godt løp.

På Bergprisen var Kristine allereie godt i tet og passerte på 11.38. Marie Kloster 12.21 og Mari Arnestad 12.44. Bergprisen er høgste punktet i løypa etter 2930 m, derav ca 2400 m rein motbakke.

Kristine Lande Dommersnes løp sterkt og knuste den gamle løyperekorden. (Foto: Olav Samland)

Morten Gjendem fyrst i mål i eit sterkt herrefelt
Morten Gjendem, også han frå Haugesund IL, vann det serke herrefeltet på 34.37. På Bergprisen hadde både Morten Gjendem og Lars Lunde 10.23.

Morten Gjendem (til venstre) vant løpet foran Lars Lunde. Her tar de en hvil etter målgang. (Foto: Olav Samland)

Strålande ver og strålande ungar!
Regn og skodd dagen før og delvis styrtregn dagen etter det 20. Langs Åkrafjorden. Men heile 30 ungar hadde nok strålt om det hadde styrtregna. Og for fyrste gong var det barnepåmelding på eq-timing. Her var 14 ungar førehandspåmelde, og 16 melde seg på ved start. Alt frå 1 år med far og mor og opp til og med 12 år. Alle fekk medalje.

Flotte trekkjepremiar
Inge Tjelle og arbeidskamerat frå Asvo, Arnt Norvald Breivik sykla ikkje berre dei 11 tøffe km men sykla heilt frå Skånevik, 18 ekstra km, minst like tøffe. Så var dei i lag med ein annan kamerat Svein Helge Gullhaug med på å dela ut drikke etterkvart som folk kom i mål. Då var det ekstra kjekt at Arnt Norvald vann eine trekkjepremien på kr 1000,- Same summen vann funksjonæren Magne Berge, som gjorde funksjonæroppgåver både før og etter at han deltok i sjølve løpet. Sigrid Henriksen frå Ølensvåg, ei ungdame på vel 80 år vann største trekkjepremien på kr 3000,-

Speaker og løpsleiar gjorde ein formidabel innsats
John Karsten Hustveit er ein glitrande speaker. Han er med på å skapa ein fin atmosfære. Det samme kan me seia om løpsleiar Olav Samland.

Alle resultater her (per søndag 21.aug kl. 16.00 sikkert tekniske problemer, vil sikkert bli rettet på)

Premiepallen for menn:frå venstre nr 2 Lars Lunde frå Stord IL, Vinnar Morten Gjendem, Haugesund IL og Nils Haktor Bua frå Spirit Stavanger. (Foto: Einar Gisle Sellevold)