Nydelege forhold for Haukelirennet
Sola skein frå blå himmel på Haukelifjell då det syttande Haukelirennet gjekk av stabelen på laurdag. Vinden bles godt på fjelltoppane, men 516 deltakar stilte likevel til start.
Gaute Kvåle frå Røldal IL og Team Elon Vest stakk av med sigeren i herreklassa, medan Nora Sannes Kjelsås IL og Team Elon Oslofjord stakk av med sigeren i kvinneklassa.
Yr melde på førehand om sterk vind på Haukelifjell, og arrangøren og juryen bestemte derfor å gjennomføre to rundar av den austlegaste delen av traseen. Rennet blei dermed like langt som vanleg, men i ei litt ana utgåve. Takka vere ein løysingsorientert og handlekraftig funksjonærstab blei det gjennomført eit fullverdig turrenn i nydelege omgjevnadar til tross for vind på toppane.
På startstreken sto eit sterkt startfelt. Særleg kvinneklassa viste seg å by på hard konkurranse. Den ferske noregsmeisteren Sofie Nordsveen Hustad frå Kjelsås IL utfordra Nora Sannes heilt til målstreken, og melde om deltaking også i åra framover. Karoline Simpson-Larsen frå Vargar IL og Team Elon Vest kom i mål til ein sterk tredjeplass.
Blide kvinner klare til start. Karoline Simpson-Larsen (BIB 11), vinnaren Nora Sannes (BIB 14) og Julie Bjervig Drivenes (BIB 12). (Foto: Haukelirennet)
Også på herresida baud sterke løparar opp til konkurranse. Tett etter vinnaren Gaute Kvåle kom Mathias Holbæk frå IL Vinbjart og Team Elon Vest. På tredjeplass kom Sivert Wiig frå Gjesdal IL og Team Elon Vest.
Annonse
Gaute Kvåle intervjuast av speaker etter sigeren. Mathias Holbæk (t.h.) tok andreplassen. (Foto: Haukelirennet)
Også blant ungdommane var det sterke løparar. I den 12 kilometer lange løypa var det Torbjørn Grindheim frå Otra IL som var raksaste mann, medan Celina Enes-Seberg Hovden Sportsklubb var raskaste kvinne. Det var også mange blide barn og trimmarar å sjå i løypene.
Draumeforhold når starten går for barnerennet. (Foto: Haukelirennet)
Ein blid gjeng deltakarar i årets Haukelirenn. (Foto: Haukelirennet)
Arrangøren takkar alle deltakarar, funksjonærar og sponsorar for innsatsen. Me gler oss til neste år!
10 beste menn
| Plass | BIB | Navn | Klubb | Klasse | Tid | Bak |
| 1 | 4 | Gaute Kvåle | Røldal IL / Team Elon Vest | M26-30 | 1:41:03.7 | 0:00.0 |
| 2 | 5 | Mathias Holbæk | Il Vindbjart / Team Elon Vest | M21-25 | 1:41:06.7 | 0:03.0 |
| 3 | 7 | Sivert Wiig | Gjesdal IL / Team Elon Vest | M26-30 | 1:43:03.3 | 1:59.6 |
| 4 | 9 | Karsten Andre Vestad | Molde og Omegn IF / Team Elon Midt-Norge | M21-25 | 1:45:10.8 | 4:07.1 |
| 5 | 22 | Magnus Lian AARRESTAD | Gronntrening | M26-30 | 1:45:48.9 | 4:45.2 |
| 6 | 6 | Jon Rolf Skamo Hope | Hyen IL | M26-30 | 1:46:12.7 | 5:09.0 |
| 7 | 10 | Aron Åkre Rysstad | Valle IL / Team Elon Vest | M21-25 | 1:48:02.1 | 6:58.4 |
| 8 | 8 | Sondre Skomedal Ramse | Otra IL / Team Elon Vest | M26-30 | 1:49:16.6 | 8:12.9 |
| 9 | 2 | David THORVIK | Kjelsås IL / Team Elon Oslofjord | M21-25 | 1:52:15.4 | 11:11.7 |
| 10 | 17 | Lars Aasheim Svaland | Birkenes IL | M26-30 | 1:52:29.2 | 11:25.5 |
10 beste kvinner
| Plass | BIB | Navn | Klubb | Klasse | Tid | Bak |
| 1 | 14 | Nora Sanness | Kjelsås IL / Team Elon Oslofjord | K21-25 | 1:50:05.2 | 0:00.0 |
| 2 | 13 | Sofie Nordsveen HUSTAD | Kjelsås IL | K26-30 | 1:51:45.1 | 1:39.9 |
| 3 | 11 | Karoline Simpson-Larsen | Vargar IL / Team Elon Vest | K26-30 | 1:56:17.8 | 6:12.6 |
| 4 | 16 | Sigrid Leseth Føyen | Kjelsås IL | K21-25 | 1:57:27.9 | 7:22.7 |
| 5 | 128 | Emilie Enes-Seberg | Hovden Sportsklubb | K17-18 | 2:11:42.4 | 21:37.2 |
| 6 | 107 | Gunhild Kvålseth | Morgedal IL | K21-25 | 2:15:09.0 | 25:03.8 |
| 7 | 77 | Vårinn Hagen | IL Korlevoll - Odda | K17-18 | 2:19:06.0 | 29:00.8 |
| 8 | 125 | Karoline Kvalvåg Hetlelid | Hjelmeland idrettslag - ski | K17-18 | 2:28:37.9 | 38:32.7 |
| 9 | 46 | Anja Elise Lid | Høydalsmo IL | K36-40 | 2:34:04.2 | 43:59.0 |
| 10 | 130 | Ingrid Andersen | twr Lundmarks | K31-35 | 2:35:43.8 | 45:38.6 |
