Maryna Novik slo alle mannfolka i Romjulstrimmen/Vatnet Rundt

23 samla seg til trim i romjula for å springe rundt Litledalsvatnet i Etne. 16 stilte i løpsklassen, og av dei var Maryna Novik frå IF Klypetussen raskast. Ho brukte 28.11 på dei 7543 metrane rundt vatnet. Det er under 3.45 per km.Løyperekorden for kvinner frå 16. juli 2016 har ho sjølv på 27.20.Ørjan Grønnevig har rekorden for menn på 22.40.

Gisle Sellevold Gisle Sellevold

Publisert 01.01.2017 - 01:00 Sist oppdatert 01.01.2017 - 01:00

Vellukka romjulstrim i Etne?
Kva tyder det at noko er vellukka?
Det spørst på innfallsvinkelen.
I denne samanheng vert det knytt til at dei få som kom, skrytte av tilskipinga.

Vatnet Rundt er eit konsept i regi av nystarta Etne Event/Etne Oppleving. Barneløp, kortløype som er meint også for rullestolbrukarar, og 7543 m rundt vakre Litledalsvatnet. I tillegg er det karusell med nytt løp 2. påskedag (17. april.) , og hovudløp 15. juli.

Kjempesesong for Maryna Novik og Tor Arne Sandvik!
Begge to representerer IF Klypetussen, og har hatt vidare sportsleg framgong. Maryna kom heilt ned ned på 1.22.13 i hustrig ver i tung løype under Karmøy Maraton. Men det var symptomatisk at etter løpet skrytte Maryna over løpstilhøva og arrangøren. Like smålåten er Tor Arne (f. 1975). Han persa seg med 10 minutt i same halvmaraton. 1.25.10 har nordsjøarbeidaren avslutta sesongen 2016 med.

No passa det å opna reportasjen frå "Romjulstrimmen" med ei kort presentasjon av dei to, for det var nemleg dei same to som vann dame- og herreklassen i "Romjulstrimmen/Vatnet Rundt". Maryna var fyrst av alle med 28.13, men 41-årige Tor Arne Sandvik var berre 39 sekund bak med 28.50 og pers. Ingen løyperekordar og då stig løyperekordpremien med kr 500,- til hovudløpet 15. juli. Den er no komen opp i kr 2500,-.

Knalldebut av Gerd Sigrid Bjørgen!
13 år gamle Gerd Sigrid Bjørgen er ei allsidig idretssjente, og er med i fleire idrettsgreiner. No debuterte ho i "Romjulstrimmen/Vatnet Rundt" med 36.31. Her eit eit supert friidrettstalent.
Kristine Selland er eitt år yngre, og gjennomførte på finfine 41.04. Også det ei talentfull ung jente.

Annonse

Etne Event fyrste arrangør med den nye kondis-rabatten...?
Kondis har oppgradert rabatten medlemmar får i "K"valitetsløp frå 2017. Etne Event vil vera med der heile vegen. Ja, dei innførte rabatten alt i "Romjulstrimmen", siste løp i 2016. Kan henda kan dei skryta av å vera fyrst ute. Rabatten har vore den same i mange år, så no meinte Kondis det var på tide med ein auke. Det syns Etne Event var rimeleg og innførte rabatten på kr 40,- alt i siste løp i 2016.

Alle foto: Kondis v/Gisle Sellevold

Maryna Novik og Tor Arne Sandvik, begge IF Klypetussen, vann hhv. kvinne- og herreklassen

Fleire bilete under resultata.

Resultater:
Romjulstrimmen Vatnet Rundt - 27. desember 2016 - lang løype 7543 meter

Annonse

Kvinner:
1.	Novik	Maryna	1981	IF Klypetussen	28:11
2.	Bjørgen	Gerd Sigrid	2003	Etne IL	36.31
3.	Selland	Kristine	2004	Etne IL	41.04
4.	Mæland	Ingunn	1964	Privat	71.20
5.	Hardeland	Målfrid	1954	Privat	71.27
6.	Hardeland	Wenche	1979	Etne IL	71.28

Menn:
1.	Sandvik	Tor Arne	1975	IF Klypetussen	28.50
2.	Saltnes	Nils	1979	IF Klypetussen	31.55
3.	Norenes	Ståle	1987	Team Sport 1 Etne	33.24
4.	Seljelid	Kjetil Nygård	1982	Privat	35.49
5.	Duesund	Skjalg	1948	IF Klypetussen	35.58
6.	Henriksen	Trygve G. B.	1969	IF Klypetussen	40.52
7.	Måge	Harald	1954	IF Klypetussen	41.21
8.	Halleland	Leif	1942	IF Klypetussen	49.47
9.	Sellevold	Gisle	1951	IF Klypetussen	55.17
10.	Rullestad	Martin	1962	Privat	71.20

Kort løype 1800 meter
Barn

Tendal	Erik Samland	2006	IF Klypetussen	03:56
Blikra	Petra	2008	IF Klypetussen	03:59
Blikra	Anita	2010	IF Klypetussen	Fullført
Samland	Noah	2009	IF Klypetussen	Fullført