Flott utsyn i alle retningar frå målområdet. Bygningen i midten er toppstasjonen for gondolbana Hochfellnbahn som deltakarane tok ned igjen til startområdet og premieutdeling i landsbyen Bergen im Chiemgau.
WMRA World Mountain Running Association har etterlyst norsk deltaking i World Cupen i mountainrunning, men NFIF har kun støtta deltaking i EM og VM i Mountain Running og kun den greina som heiter Mountain Running Uphill dvs motbakkeløp som blir arrangert anna kvart år. Norge deltek heller ikkje i EM og VM i Mountain Running Up and Down som blir arrangert anna kvart år.
Når det gjeld dei løpa som inngår i World Cup så er dette åpne løp som alle kan delta i, tilsvarande då La Sportiva Skåla Opp i Loen arrangerte World Cup ( Grand Prix) i 2009. I år reiser for fyrste gong to norske toppløparar på eige initiativ og for eiga rekning til finaleløpet i World Cup som er Smarna Gora International Mountain Race i Slovenia. Det er årets norske komet Karoline Holsen Kyte, Førde IL (nr 4 i EM motbakkeløp i år og m.a vinnar av Skåla Opp) og Johan Bugge, Eidsvåg IL ( Europameistar i motbakkeløp 2015). Meir om dette på slutten av artikkelen.
No skal vi ha fokus på Hochfelln Berglauf, det nest siste av dei 7 løpa i årets World Cup.
Andrea Mayr, Østerrike vann Hochfelln Berglauf for 8. gong suvernt på 47:32,8, kun 4,6 sek. bak sin eigen løyperekord frå 2008. Andrea er både EM- og VM-vinnar i mountain running
Anton Palzer, Tyskland nr. 2
Sarah Kistner, Tyskland junior-verdsmeistar i mountainrunning 2016 kan juble for 2. plass bak suverene Andrea Mayr.
Alex Baldaccini, Italia nr 3
Michelle Maier, Tyskland Nr 3
Topp 10 damer:
6 beste damer. Foto Christian Prestegård
Topp 20 menn:
10 beste menn. Foto Christian Prestegård
Helmut Reitmeir (73 år) Tyskland, vann 70-års-klassa på 1:11:43. Helmut har delteke 14 gonger i Hochfelln Berglauf og har 10 klassesigrar. Pers 50:46 frå 1989. Helmut han har tre VM-gull I motbakkeløp for veteraner. Han har delteke to gonger i Skåla Opp i Loen med ein 1. plass og 2. plass i si klasse. Helmut har imponerande 8 klassesigrar i Jungfrau Marathon.
Innspurten var rett opp! Her er det bratt og sleipt, men med gode fjelløpssko fekk eg nok fråspark til å kunne legg inn ein sluttspurt på denne flotte "studieturen" opp gjennom den klassiske Hochfelln Berglauf-løypa.
Ulltepper til alle etter målpassering og etterkvart vart det reine toga-partyet
Makan til velsmakande kakebord etter eit løp har eg aldri opplevd. Her ser de forklaringa på at eg gjekk opp i vekt etter løpet.
Jonathan Wyatt som no er 45 år har vunne Hochfelln Berglauf 8 gonger og har løyperekorden i denne klassikaren frå 2002 med 40:34,9. I år kom Jonathan i mål omlag 7 min bak sin eigen løyperekord som nr 14. I år vart Jonathan vald til ny president i WMRA (World Mountain Running Association) på WMRA-kongressen i Premana i Italia 29. juli. Få om ingen kjenner sporten Mountain Running bedre enn Jonathan.
Mange med meg vil nok hevde at Jonathan er den beste fjelløparen i historia med sine 7 VM-gull i mountain running. Han har utallige løyperekordar verda rundt og har vore i verdstoppen samanhengande i nesten 2 ti-år.
HER kan du lese kva Wyatt skriv om HochFelln Berglauf på websida WMRA.CH . Meir info på www.hochfellnberglauf.de
Triveleg å treffe igjen både Tomo Sarf (til venstre) og den nyvalde WMRA Presidenten Jonathan Wyatt. Tomo er generalsekretær i WMRA og i morgon er han også arrangør av finaleløpet i World World Cup Mountain Running som er Smarna Gora International Mountain Race i Slovenia.
Oversikt over dei 7 løpa i WORLD CUP Mountain Running 2017:
1. 28 Mai: 12th Bolognano-Velo Int. Mountain Race Arco (Italia)
2. 4 Juni: 33rd Int. Muttersberglauf Bludenz (Østerrike)
3. 11 Juni: 37th La Montée du Grand Ballon Willer sur Thur (Frankrike)
4. 30 Juli: 33th World MR Championships (uphill & down-hill) Premana (Italia)
5. 27 Aug: 29th Memorial Partigiani Stellina Susa (Italia)
6. 24 Sept: 44th Hochfelln-Berglauf Bergen im Chiemgau (Tyskland)
7. 7 Okt: 38th Smarna Gora Int. Mountain Race Ljubljana (Slovenia)
Les kva WMRA-President Wyatt skriv om Smarna Gora Int. Mountain Race og dei to norske deltakarane Karoline Holsen Kyte og Johan Bugge på sida til WMRA
Karoline og Johan er ikkje med i finaleløpet for å få ei plassering i verdscupen. Då måtte dei ha delteke i minst eit løp før finalen. Dei er med for å få ein ny erfaring med løp som både har bratte motbakkar og lange unnabakkar, og ikkje minst for å bidra til at fleire frå Noreg i framtida vil bli med i World Cup. Det er det Tomo og Jonathan i WMRA håpar vil skje.
Poengstillinga blant dei beste før siste løpet er:
