Etape Bornholm i fokus. Finale i dag.

Teskt og foto: Gisle Sellevold
Laban Siro; IF Klypetussen klarte sin fyrste 2. plass i 4. løp
Aldri før har me sett han så konsentrert før eit løp. "You know I was thinking a lot before the race" fortalte han oss etter løpet. Og det var bra tenking som Ole Brumm ville ha uttrykt det. Han slo Samuel Lutabi (biletet under) på fjerdeplassen med om lag eit halvt minutt og trygga kanskje 3. plassen til ugandiskfødte Lutabi. Men 10 km i den framleis steikande varmen kan gje store utslag. Særleg etter fire harde dagar. (Men Mr. Siro har "lova" å springa siste ti km fortare enn den første på måndag).Den gjekk sakte, syns han. Men her kan de vel koma litt taktisk løping inn i biletet, så me får vel ikkje ta lovnaden altfor alvorleg.

Siste dag i dag fredag: Byløp 10 km (kontrollmålt).
Tidlegare var løpet ned i havna og tilbake på asfalt. No er store delar av returen lagt på nydeleg skogssti. Før finalen har vi to Laban Siro og Øystein Mørk på 3. og 5. plass for menn og Pernille Thomassen og Mariann Lande på 6. og 7. plass for damer. Pernille er i tillegg på 2. plass i klasse 40-49 år og Svein Arne Sølvberg den same i klasse 60-69 år, mens Christian Fredriksen er på 3. plass i gutter 18-22 år.

Ugandiskfødte Samuel Lutabi er dansk statsborger og spring, som me ser, for Hvidovre.

Den hyggelege presten i Allinge-Sandvig, Carsten Møller-Christensen, løber på hjemmebane for holdet ASG. Allinge-Sandvig G.

Nummeret forpliktar..? Daniel Håkansson, Team Skovang. Svensk namn, men dansk klubb. Merkeleg få svenskar i Etape Bornholm. Bornholm ligg berre 1 time og 20 minutt med ferge frå Ystad i Syd-Sverige. Betre marknadsføring..?

Laban Siro og Per Rune Kolås, begge for tiden frå Etne i Sunnhordland. Per Rune er grunnen til at artikkelforfattaren er på og skriv om Etape Bornholm. "Sleng deg rundt, Gisle og kom ned her til Etape Bornholm - det er heilt maks". Om lag slik var telefonsamtalen Hr Kolås og underteikna hadde i 1997. Eg reiste, og er med for 10. gong.
Maxi-intervju:
Torsdagsklubben frå Brønnøysund
Vi tar ein prat med ein av stiftarane av Torsdagsklubben i Brønnøysund, Bjørnar Torgersen.

Kondis (K): Kor langt har de reist for å koma til Bornholm?
Bjørnar Torgersen (BT: De av oss som har reist med bil har 1650 km éin veg. Nokre har tatt snarveien med fly.

K: Ja, og de trenar kvar onsdag ?
BT: He, he. Kvar torsdag i sommarsesongen har me fellestrening rundt Torghatten, i alt 6.7 km. Torghatten ligg på Torgøya med bru over til Brønnøysund sentrum. Me har eit postulat at me ikkje skal springa fortare "på fellessen" at me kan prat. Så dei siste to km "slepp me laus", og ein kan springa fortare. Det sosiale er uansett det viktigaste med denne treninga. Kvalitetstreninga kan me gjera kvar for oss ein annan dag i veka.

K: Når starta de med denne Torsdagsklubben?
BT: Stig Valla og eg tok initiativ til dette for om lag 20 år sidan. Me er 12 menn og to damer som er aktive
.
K: Har de vore her på Etape Bornholm før?
BT: Ja. to av oss var fortropp her for nokre år sidan, for å sjekka om dette var noko for Torsdagsklubben. Så var me ein gjeng i 2010, og no i 2012.

K: Så no vert det neste gong i 2014?
BT: Vel, det var det me tenkte. Men mange av oss er pluss 60, så for å få med oss alt, så bør me vel reisa ned også neste år.

K: De har fått ein del merksemd i media, m.a. i Bornholms Tidende - kvifor det?
BT: Like drakter og at me er ein glad gjeng, gjer vel sitt.

K: Kor bur de på Bornholm?
BT: Me har budd i Gudhjem hjå private kvar gong. Her har me det veldig, veldig fint, og me får bruka hagen deira.

K: Og så det sportslege. De er ganske langt framme på enkeltetappar og i samandraget her på Etape Bornholm?
BT: Ja, me har 9. og 10. plass i klasse 60 - 69 år, så langt. Men vår bestemann som er god for under 40 minutt på mila, fekk ein ordentleg lyskestrekk i sanden på dag 2 og måtte gje seg.

K: I meisterskap er det allltid eit par veldig unge, utkledde maskottar. Torsdagsklubben har derimot med ein ekte levande eldre kar?
BT: Ja, det er han Arnulf Valla, far til stiftaren Stig. Arnulf var ein løpeprofil i sine yngre dagar. 3.56 på 1500 m, på 15.30-talet på 5000 m og på 32-talet på 10000 m. Han var m.a. med på Kalott-landslaget då me kjempa mot finland, Rusland og Sverige.

Arnulf Valla til høgre - flott maskott for Torsdagsklubben frå Brønnøysund!

Spørsmålet til Torsdagsklubben var: "Les de Kondis?". Svaret ser du her.....

Kondis-hotel Etape Bornholm 2013?
I hovudstaden på Bornholm, Rønne finn me dette skiltet:

Vertskapet Ingrid Buhl og Bjarne Thomsen tar vel imot sine gjester, like ved fergen Ystad - Rønne.

Så nære ankomst og avgang til Ystad i Syd-sverige.

Og så får me lov til å bruka den rolege, flotte hagen.

RESULTATER

Fjerde dag av Etape Bornholm
8,5 km landeveisløp opp til Hammeren Fyr

Kvinner totalt

Menn totalt:

Sammenlagt etter fire løp:
Kvinner totalt:

Menn totalt:

Gutter 18-22 år:

Gutter 15-17 år (sammenlagt etter to løp):

ALLE RESULTATENE

Kondis.no-dekning av Etape Bornholm 2012:
Forhåndsstoff: Klart for Etape Bornholm 2012
Dag 1: 10 km i Hasle Tre norske blant de 10 beste
Dag 2: 5,6 km strandløp på Dueodde: En god norsk dag i sanda
Dag 3: 7,8 km skogsløp i Almindingen: Skogsløpet med norsk 3, - 5. og 6. plass
Dag 4: Landeveisløp opp til Hammeren Fyr: De norske holder stillingen
Dag 5: Finale med 10 km byløp i Rønne: Etape Bornholm ble av sluttet i Rønne