Storeslem for Vindafjord i Etne

Vindafjord og Etne er grannekommunar, men i kvart sitt fylke. Vindafjord i Rogaland og Etne i Hordaland.
I år var det jubileum for det 10. Langs Åkrafjorden. I 24 varmegradar og vekselvis med- og motvind, var det ein tøff batalje for deltakarane. Vinnarane i dameklassen og i herreklassen representerar kvart sitt idrettslag i Vindafjord kommune, Vindafjord Il og Ølen IL.

Maryna Novik i kjempeslag!
Maryna Novik har vore med fleire gonger. Ho vann i fjor også. Men det store for henne denne gongen at ho persa med rundt eitt og eit halvt minutt. Og med det klatra ho opp på 2. plass adelskalendaren for løpet, berre vel eitt minutt bak løyperekorden til Miriam Berg Hovda.

Kristian Heggebø frå Ølen IL i Vindafjord kommune leia løpet frå start til mål. Med tida 39.55 i sitt debutløp langs den vakre Åkrafjorden, kom han inn på Topp 20 lista. Denne lista toppast av to kenyanske løparar og nok ein løpar frå Vindafjord (spring for GTI-Stavanger), Ragnar Stølsmark.

Bergprisen til Maryna og Kristian
Maryna Novik var fyrst opp på høgste punktet av etter 2933 m. Tida hennar var 13.09.
Nr 2 var Tina Barane med tida 14.44 og 3. Elisabeth Totland Lauareid med tida 17.35. Elisabeth måtte seinare bryta.

Kristian Heggebø hadde 12.03, og var då berre 36v sekund føre nr 2 Bjørn-Ketil Sørvik på 12.39. Nr 3 på toppen var Daniel Fiveland på 13.09. Torstein Kjerpeset var her og i mål berre eitt sekund bak.

Arrangøren har fått laga fine skilt og stilte med nyfrisk km-merking.

Fyrstemann på veg mot Bergprisen.

Kristian Heggebø åleine i teten frå start til mål. Her vinn han "Bergprisen" etter 2933 m.

Maryna Novik i veldig god form på veg mot mål. (frå fjorårets løp). Oppdatert artikkel med mange bilete kjem sundag,

Sterk nedgang i deltakartalet
Rundt 150 deltakarar sykla, gjekk eller sprang i den 10. utgåva av jubileumsløpet. Arrangementet vart flott gjennomført, og arrangørane har åre av det som skjedde løpsdagen. Men dei bør ta fatt i årsakene til nedgangen i evalueringsmøtet, slik alle arrangørar bør gjer om ting endrar seg mykje. Mange vil nok synes at 150 deltakarar er bra, men når rekorden er over det dobbelte, bør ein ta ein nøye evaluering. Det mest vanlege når slikt skjer er at ein kjem for seint i gong med PR - arbeidet ogat ein kolliderer med fleire andre arrangement.

Resultat tre beste:
Kvinner:
1. Maryna Novik Vindafjord IL 42.38 (ny pers)
2. Tina Barane Privat 48.30

Menn:
1. Kristian Heggebø, Ølen IL 39.55
2. Bjørn-Ketil Sørvik, 42.35
3. Daniel Fiveland, 44.35

Resultater frå løpsklasse i Langs Åkrafjorden 11. august 2012