Vilt, vakkert og varmt under Sunnfjord Ultra

I år som i fjor vart det sprunge raskt i den krevjande 53 km lange løypa mellom Førde og Rivedal, ein trasé som består av 13 km grus, 20 km asfalt og 20 km terreng. Samla høgdemeter er om lag 2 000. Vinnartida blant herrane var 5 timar og 20 minutt, medan raskaste kvinne berre var minuttet bak. Målfrid Hermansen sprang inn til siger på 5 timar og 21 minutt og slo dermed sin gamle løyperekord med eitt minutt. Dei siste i mål brukte 13 timar og 45 minutt.

Det var godt å komme i mål på en varm dag. (Foto: Oddveig Lyngstad)

I fjor kom 88 deltakarar i mål. Den gongen var Enivest Sunnfjord Ultra eit kjærkome høve for mange til å få springe med startnummer på brystet, sidan så godt som alle løp var avlyste. I år blir det heldigvis arrangert mange løp i konkurranse med Enivest Sunnfjord Ultra, så alt i alt meiner arrangøren av løpet har fått fleire og ikkje færre deltakarar i år enn i fjor.

Tre løparar braut i år, slik at talet fullførande hamna på 42. Det vanka premiar til dei tre beste blant kvinner og menn, og alle fekk deltakarmedalje og fullførar-t-skjorte. I mål var det stor stemning og servering av mat og drikke i regi av Rivedal bygdelag, som òg tilbydde aktivitetar som rebusløp for dei som venta på at løparane skulle kome i mål.

Resultatlista ligg ved nedenfor. Talet i parentes framfor namnet viser kva startnummer løparen hadde. Årets vinnar på herresida er Lars Øvrebø. Han vart nummer tre i fjor, og brukte eit kvarter lenger tid i år. På andre plass finn vi løpets eldste deltakar, Jens Ole Årdal. Han er 61 år og sette ny løypepers med 13 minutt. Tore Hammerø tok tredjeplassen.

Herrenes premiepall. (Foto: Oddveig Lyngstad)

Målfrid Hermansen vann for andre gong på rad. På andre plass finn vi Julie Vollum Bø. Ho sprang løpet for første gong i år. Ida Tidemand Slorafoss hamna på tredjeplass i sitt andre forsøk i denne løypa.

Kvinnenes premiepall, med Målfrid Hermansen på topp. (Foto: Oddveig Lyngstad)

Enivest Sunnfjord Ultra er eit arrangement som legg vekt på at samhald og idrettsglede. Det skal vere låg terskel for å delta og det skal koste lite å vere med. For å få det til, er arrangøren heilt avhengig av bidrag frå sponsorar. Hovudsponsoren Enivest bidreg kraftig, saman med anna lokalt næringsliv, slik at løpet har fått utvikle seg i ein endå meir profesjonell retning dette året.

Resultater herrer

Resultater Damer