Pressemelding frå arrangøren:
1213 deltakarar løyste startnummer på Bystien Førde Opp laurdag 31. august. Til det som var generalprøva for NM i motbakke 2020, strøymde folk til i hopetal. Nede på arenaen ved Rådhuset i Førde har det aldri vore så mykje folk før, og som vanleg var det heile dominert av glade barn. Ca. 800 av dei deltok med startnummer, og dei fleste gjekk heilt til toppen av Hafstadfjellet 706 moh.
1213 deltakarar med startnummer er mindre enn før om åra og skuldast heftig regnvær ved starten av arrangementet. Resten av dagen letta det opp, sola keik fram, og det vart over 20 varmegrader. I år var det fleire utstillarar ved Rådhuset, aktivitetar som sunnfjordsk 5-kamp, Firda-kvissen samt underhaldning frå scena.
Eit tusentalig publikum kunne følgje løpet frå start til mål på storskjerm ved Rådhuset, og i år også med kamera midtvegs i løypa. Nokre minutt etter målgang kom det intervju med vinnarane i dame- og herreklassen direktesendt frå toppen.
Alt i alt vart det ei god generalprøve for NM 2020. Vinnarane var Førdes eigen Karoline Holsen Kyte som sprang på 32.02, og Andreas Skylstad, Norangdal IL som noterte 28.33. Løyperekordane til Annie Bersagel på 30.18 og Johan Bugge på 25.06 overlevde i 2019.
Svært mange glade barn var med på Bystien Førde Opp. Mest 87 prosent av elevane i klasse 5A ved Førde barneskule deltok. (Foto: Bystien Førde Opp)
Beste kvinne totalt | Klubb | Tid | |
1 | Karoline Holsen Kyte | Førde IL | 32:02 |
2 | Mathea Bråstad | Hyllestad IL | 36:15 |
3 | Ane Brekke | Førde IL Friidrett | 37:03 |
Beste mann totalt | |||
1 | Andreas Skylstad | Norangdal IL | 28:33 |
2 | Ole Martin Erdal | Førde IL | 29:37 |
3 | Roger Pollen | Spenst/Arenes frisør | 29:50 |
Resultat - skulekonkurranse | |||
Klasse | Skule | Prosent | |
1 | 5A | Førde barneskule | 86,70 |
2 | 4B | Slåtten skule | 80,00 |
3 | 6A | Førde barneskule | 78,00 |
4 | 7A | Sunde skule | 71,00 |
5 | 3B | Førde barneskule | 70,00 |