Bjørkeklubben Over med ny løyperekord

Dei minste sprang ei løype på 450 m, og dei fullførte med stor innsats. Faktiskt noko av det raskaste i den løypa. Dei fekk medaljar og litt påskegodt etter løpet.

Opprinneleg starta Bjørkeklubben Over som uttakingsløp til Holmenkollstafetten i 1982. Dei første åra hadde me 2 løp i året, og stort sett gode felt med mange lokale løparar.

Kjekt var det når Haugesund IL dei siste åra har teke turen inn med ein god gjeng løparar. Det er ei fin løypa å testa løpsfarten i. 

Løparane frå Haugesund gjekk ut i front frå starten av, og Eivind Vikingstad kom i mål på 3.33 min. Det gav han delt 3 plass på lista over dei beste tidene. Forøvrig den beste tida dei siste 25 åra. Bak han kom unge og lovande Thomas Vee-Fjetland på 4.06. 

Nr to i mål var Linnea H. Fjelldalselv frå Sandeid. Ho spring også for Haugesund IL, og var i fjor 1 sek unna bestetida til Vilde Våge Henriksen. I år banka ho til med 8 sekund, og tok den gamle damerekorden med glans. 3.52 er den nye løyperekorden for damene. Ingrid Frøyland kom på plassen bak med 4.03 min. 

Etter målgang var det muligheter for både vafler og kaffe, før premieutdeling og trekking av premiar. Det vanka nok litt ekstra godsaker til nokon heldige sidan det var avslutning av påska. Og kjekt når nokon av dei 27 trimmarane stakk av med gåvekort på hovedgevinstane. 

Med omtrent nylagd asfalt størstedelen av traseen var det fint for alle som deltok i dag. Også barnevogn var å sjå langs det flotte landskapet innover mot Frette i Etne. Neste år er IF Klypetussen klar med nytt påskeløp.