24 timannslag fullførte "OVER FIKSE" på 1. mai
Løypa er 12,1 km med start frå Ølen stadion i Rogaland til Etne stadion i Hordaland.Løypa går på bilfri veg langs den gamle postvegen over Fikse, som ligg midtvegs. Der går også fylkesgrensa mellom Rogaland og Hordaland.
Det var prøveår i 2017 med 9 stafettlag med 10 løpere per lag. 1. mai 2018 var det 24 lag som fullførte av 25 påmelde, eitt lag møtte ikkje til start.
Her var det ganske profesjonalisert. Startnummerutdeling med 10 nr. merka med lagnummer og etappenummer. Kvar etappe var nøye omtala på kart på internett,og låg også i posene med startnummer. Og like viktig - staden for veksling var tydeleg merka.
Store delar av løypa går på grusveg. Alle dei fire etappane i Ølen, og langetappen på på 1. 7 km i Etne. Så er det mest asfalt dei siste fem.
10/11 varmegradar og lite vind, ga veldig gode løpeforhold.
Nytt i 2018: Målgang inne i Skakkesenteret i Etne. Her var det premieutdeling. God speaker, men elendig lyd på høgtalaranlegget. Kaféen oppe i senteret var open, så her var det råd for ein drøs og ein matbit.
Annonse
Det er sjølvsagt ikkje av så stor interesse reint idrettsleg å snakka om vinnarlag som i ein ordinær friidrettsstafett, for her kunne bedrifter av ulike slag hanka inn gode løparar som i utgangspunktet ikkje hadde så mykje med bedriften å gjera. Kravet var minimum tre løparar som kunne gjennomføra dei ti etappane. For Kondis så det ut til at dei aller fleste laga stilte med fullt lag, ti løparar.
Men felles for alle såg ut til å vera idrettsglede. Og mange tidlegare mosjonsløparar vart "pussa støvet av", og me høyrde kommentarar om a no skal me byrja å trena att. Då er ein vesentleg faktor oppnådd, sett frå Kondis sin synstad.
Men å samla heile 24 lag til ein stafett på 10 etappar over 12.3 km med tunge oppoverbakkar, og bratte nedoverbakkar, er godt gjort. Den nylaga stien på ein gamal restaurert postveg, innbyr til tur og trening. I tillegg til stafetten var det og rundt 50 som stilte i turmarsjen som starta før stafetten.
To lag stilte to stafettlag: Omega som er ein storbedrift i Ølnsvåg, og IF Klypetussen.
Arrangørar er: Etne Turlag, Vindafjord Turlag, Etne Røde Kors og Medvind24.
Annonse
Tøff løype: Fikse Næringsforening gjorde ein god stafett. Her frå 4. veksling. Det er solid stigning opp til toppen av Fikse, og me ser i alle høve ein løper har tatt ut alt.
(Foto: Medvind24)
Resultater fra stafetten Over Fikse - 12,3 km
Fra Ølen til Etne 1. mai 2018
| Lag | tid |
| 1. Berge Sag | 43.54 |
| 2. Omega 3 | 44.45 |
| 3. Team Roatoppen | 44.50 |
| 4. Småfolk Barnehage | 46.31 |
| 5. Rødal IL | 47.28 |
| 6. Omega | 47.30 |
| 7. Kathrines Fitness Farm | 48.15 |
| 8. Autostore | 49.02 |
| 9. Hestanipen Opp | 49.03 |
| 10. Sørstranda Grendelag | 49.34 |
| 11. Fikse Næringsutvikling | 50.23 |
| 12. Medvind24 Næringshage | 51.40 |
| 13. Fus barnehage | 51.42 |
| 14. Lundeneset VGS | 53.20 |
| 15. IF Klypetussen I | 54.04 |
| 16. Vindafjord kommune | 54.54 |
| 17. Helgevold Elektro | 55.17 |
| 18. Enge skule | 55.36 |
| 19. Sandeid Fengsel | 56.21 |
| 20. Ølen Betong | 57.27 |
| 21. Ølen IL Veteran | 59.44 |
| 22. Dei kulaste jentene i Vindafjord | 60.04 |
| 23. Etne senter | 62.01 |
| 24. IF Klypetussen II | 66.08 |
Like drakter lettar vekslingane der det er tett i vekslingsfeltet, men her er det lett uansett.
Dette er ingen "tulle-stafett". Me ser her eit konsentrert lag frå Småfolk Barnehage ,med tanke på å gjera sitt aller beste. Og det vart ein flott 4. plass på desse sprekingane.
Annonse
Berge Sag har spreke medarbeidarar. Nr 12,3 ikkje ukjende Matias Berge, arrangør av Roatoppen Opp. Dei vannn heile stafetten, og forbetra løyperekorden frå i fjor. Avslutninga i fjor og i år var litt endra, så direkte samanlikning er vanskeleg.
"Dei kulaste jentene i Vindafjord, Ølen IL 12 år." Eit lag med berre pur unge jenter i 12 årsklassen lovar godt for framtida til stafetten, og andre løp i distriktet.
Enkel merkevarebyggande logo for tilskipinga.
